Lucas 4:39 - Manobo Western Bukidnon

³⁹ Ne mid-uvayan ni Jesus haazà, ne mibpengelinteuwan din he maawà haazà is dateng din. Ne zutundutun neulian haazà is bahi. Ne zutun mid-enew ne midsuba sikandin te ibpekaan din engki Jesus.

Lucas 4:39 Cross References

Marcos 1:29

Ne mid-awà ensi Jesus dutun te simbahan ne midhendiyè dan te valey eni Simon wey ni Andres. Ne miduma zaan kandan si Santiago wey si Juan.

Lucas 4:35

Ne zutun midawey ni Jesus haazà is mezaat he mulin-ulin ne ke sikandin te, “Med-engked ka ne awè ka ziyan te kandin!” Ne zutun mibpengelinteuwan duen te mezaat he mulin-ulin he mekebadas diyà te tanà dutun te etuvangan te langun he menge etew haazà is edlelungen din. Ne mid-awà sikandin ne wazè din mekeizi haazà is etew he midlalung din.

Lucas 4:41

Ne minsan sikan is menge mezaat he mulin-ulin, impemaawè din dutun te menge etew he edlelungen dan. Nemekekulahì haazà is menge mezaat he mulin-ulin he egkag̵i te, “Iyan ka iyan sikan is Anak te Megbevayà!” Iyan, impeengked sikandan ni Jesus su wazè din itug̵ut he zuen egkeg̵iyen dan su netuenan dan he iyan sikandin kes mibpilì te Megbevayà he hadì.

Lucas 8:24

Ne mid-uvayan dan si Jesus ne mibpukew zan, ke sikandan te, “He Zatù, egkengeg̵erè kiw en!” Ne nepukew zutun si Jesus ne mid-enew ne migkeg̵iyan din haazà is keramag wey haazà is menge zekelà he vag̵el he mebpeeneng-eneng dan, ne zutun ne mibmelinew utew haazà is ranew.