Lucas 4:32 - Manobo Western Bukidnon

³² Ne is menge etew, hein nezineg dan haazà is kebpenurù din, utew zan nengeinuinu su zekelà is gehem ni Jesus te kebpenurù.

Lucas 4:32 Cross References

Marcos 1:22

Ne haazà is menge etew, hein nezineg dan is kebpenurù din, utew zan nengeinuinu su is kebpenurù din, ne kenà iring te kebpenurù te menge menunudlù te kesug̵uan te menge Hudiyu su zekelà mulà is gehem ni Jesus te kebpenurù.

Lucas 2:47

Ne utew nengeinuinu is langun he nekezineg te menge tavak din te menge insà kandin su utew sikandin metau.

Lucas 4:33

Ne te kemulu pa ebpenurù si Jesus, duen maama zutun te simbahan he edlelungen te mezaat he mulin-ulin. Ne hein neehè din si Jesus, mibensag sikandin is egkag̵i te,

Lucas 4:36

Ne utew nengeinuinu is langun he menge etew zutun ne neked-iinseey zan is egkag̵i te, “Hendei ebpuun heini is gehem ni Jesus te kebayàbayà? Su utew mekeg̵eg̵ehem is kedsug̵ua zin te menge mezaat he mulin-ulin he med-awè dan ne ebpemineg dan kandin!”

Juan 6:63

Iyan dà ebpekeveg̵ey te untung he wazà pidtemanan is Wag̵as he Mulin-ulin. Wazà egkehimu te lawa zà duen. Is menge lalag he migkag̵i ku keniyu, diyà ebpuun te Wag̵as he Mulin-ulin, ne ebpekeveg̵ey te untung he wazà pidtemanan.

Juan 7:46

Ne midtavak is menge guwardya te, “Iyan wazè dey ikezekepa kandin su utew meupiya is kedwali zin; wazè pa etew he nekewali iring te ked-wali zin!”

2 Kurintu 4:2

Sikan is menge mahawag he ulaula he meeles he ebeelan te zuma, kenè dey mulà ebeelan. Kenè key edtarùtarù ne kenè dey edhelinen is Lalag te Megbevayà, kekenà, hustu is kedsengyawa zey su wey mesavut te minsan hentei he kenà tarù is ebeelan dey. Iyan edsusi kayi is Megbevayà.

1 Tiselunika 1:5

su impesavut dey keniyu is Meupiya he Tudtulanen, kenà pinaag̵i te lalag dey zà, kekenà, pinaag̵i te g̵ehem te Wag̵as he Mulin-ulin. Midheg̵et te Megbevayà dutun is kedsevuta zey kayi. Ne netuenan niw zaan ke hengkey is menge ulaula zey he meupiya wey kew mezeyzey hein diyan key te keniyu.

Tito 2:15

Ne heini is langun he migkag̵i ku, ipenurù nu ziyà te menge etew ziyan. Gemita nu is keg̵ehem nu te kebayàbayà kandan. Sembag̵i nu wey dewaya nu sikandan. Kinahanglan he kenè ka lulupig̵an te minsan hentei.