Lucas 3:36 - Manobo Western Bukidnon

³⁶ ne si Sile, anak ni Keynan; ne si Keynan, anak ni Erpaksad; ne si Erpaksad, anak ni Sim; ne si Sim, anak ni Noe; ne si Noe, anak ni Lamik;

Lucas 3:36 Cross References

Lucas 17:27

Su zengan te keazen pa ni Noe, iyan dà neisip te menge etew is kegkebibu ne migkaan dan ne mid-inum dan ne mibpees-eseweey zan taman te midseled ensi Noe zuen te utew zekelà he avang he egngezanan te arka ne hein midlapey is dag̵at nengelened maamin haazà is menge etew.

Lucas 3:35

Ne si Nakur, anak ni Siruk; ne si Siruk, anak ni Ragaw; ne si Ragaw, anak ni Pilig; ne si Pilig, anak ni Ibir; ne si Ibir, anak ni Sile;

Lucas 3:37

Ne si Lamik, anak ni Metusalin; ne si Metusalin, anak ni Inuk; ne si Inuk, anak ni Harid; ne si Harid, anak ni Meheleliyil; ne si Meheleliyil, anak ni Keynan;

Hibriyuhanen 11:7

Ne zuen daan kedtuu ni Noe su hein midleg̵uyan sikandin te Megbevayà te limas he egkehitavù, midtuuwan din, minsan te wazè din pa maahà haazà is limas. Ne mibeelan din is dekelà he avang he egngezanan te arka ne hein midlapey is dag̵at, nelibri sikandin wey is pemilya zin ne wazè dan melened. Ne pinaag̵i zutun te kedtuu zin, impesavut din he zait he edlimasen te Megbevayà is tivuuk he mekesesalà he menusiyà. Ne zutun mid-isip sikandin te Megbevayà he metazeng tenged te midtuuwan din is migkag̵i te Megbevayà.

1 Pedro 3:20

Iyan heini menge etew zengan he wazà mebpemineg te Megbevayà dutun te timpu zengan hein ebpelevayen din dà is memezaat he ulaula zan taman te nepasad ni Noe is kebeeli zin te arka. Walu zà he etew is nekeseled dutun te arka wey zan melibri te wahig.

2 Pedro 2:5

Wazà daan pesegdana te Megbevayà is tivuuk he menusiyà dengan su impelapey zin is dag̵at ne nengelened is langun he wazè dan kedtahud kandin. Iyan dà midlibri zin si Noe he nekepenurù te metazeng he ulaula wey zuen pa pitu he etew he midlibri zin daan.