Lucas 3:13 - Manobo Western Bukidnon

¹³ Ne ke si Juan te, “Emun ebpenukut kew, kenè niw limbungi is menge etew te ibayad dan te vuhis. Iyan niw zà kuwaa ziyà te kandan is insug̵ù keniyu te gubirnu.”

Lucas 3:13 Cross References

Mateo 7:12

Is egkesuatan niw he ed-ul-ulahan te menge zuma niw ziyà te keniyu, iyan niw zaan ul-ulaha ziyà te kandan. Iyan heini hustu he kedtumana te kesug̵uan he imbilinbilin ni Moises. Iyan daan heini kes impenurù dengan te menge ebpeneuven te Megbevayà.

Lucas 19:8

Ne si Sekiyu, hein nekeuma zan engki Jesus diyà te valey zin ne midhitindeg sikandin is egkag̵i te, “Ibeg̵ey ku is ketengà kayi te ketig̵eyunan ku ziyà te menge ayuayu. Ne minsan hentei he etew he nelimbungan ku zengan, ne id-ulì ku ziyà te kandin is keheepat egketakep haazà is nekuwa ku.”

Lucas 3:12

Ne zutun nekeuma is menge menunukut te vuhis su ebpebewtismu zaan sikandan. Ke sikandan te, “Menunudlù, hengkey is egkesuatan te Megbevayà he ed-ul-ulahan dey?”

Lucas 3:14

Ne zutun duen menge sundaru he mid-insà diyà te ki Juan te, “Sikami, hengkey is ibpeulaula kenami te Megbevayà?” Ne midtavak si Juan te, “Engkezi niw is kebpelihendeka te menge etew wey is ked-ulug̵i niw kandan te kewsa te kegkuwaa niw te selapì dan. Is sildu niw, metengkai en diyà te g̵ehinawa niw.”

1 Kurintu 6:10

is tekawen, is leg̵ezen, is lelenguten, is ebpen-ulug te salà diyà te zuma zin, wey is limbungan, wey is minsan hentei etawa he ed-ulaula te iring kayi, ne kenà sikandin egkehedian keuzemà te Megbevayà, kekenà, edsilutan sikandin.

Ipisu 4:28

Is tekawen, engkezi zin is kebpenakew ne medterebahu su wey hustu he paag̵i is kegkuwaa zin te igkeuyag din ne wey metevangi zin is egkengeayuayu.

Hibriyuhanen 12:1

Ne sikitew zaan, menge suled, kayi te kedtuu tew te Megbevayà, ne iring kiw te ebpelumlumbeey. Ne g̵eina te utew mezakel is menge tumutuu zengan he nekepaahà kenitew he metinumanen is Megbevayà, kinahanglan he ed-engkezan tew en is minsan hengkey he ebpekesanggen kenitew te edlumbà wey is kenà hustu he ulaula he henduen be te layun tew egkeulaula, ne ebpekezesen kiw te ebpelelag̵uy taman te ebpekeuma kiw ziyà te edungguan tew.