Lucas 24:44 - Manobo Western Bukidnon

⁴⁴ Ne zutun migkag̵i si Jesus diyà te kandan te, “Iyan heini sikan is migkag̵i ku keniyu hein kemulu e pa zuma niw. Is langun mehitenged kedì he impesurat dengan te Megbevayà ki Moises, wey kes langun he impesurat din te zuma pa he ebpemeneuven din, wey minsan kes insurat dengan duen te libru te menge Salmo, ne kinahanglan he egketuman pinaag̵i te neulaula zini te kedì.”

Lucas 24:44 Cross References

Mateo 1:22

Umba nehitavù heini is langun diyà te ki Maria wey si Jose su egketuman is migkag̵i zengan te Nengazen pinaag̵i te ebpeneuven din he migkag̵i te,

Mateo 16:21

Ne puun dutun impesavut din te menge sumusundan din is imbanglis kandin. Ke sikandin te, “Kinahanglan he edhendiyà a te Hiruselim ne utew merasey is ed-ul-ulahan kedì te menge ebmeg̵urangen te menge Hudiyu, menge punuan he memumuhat wey menge menunudlù te kesug̵uan. Edhimetayan e zan ne seled te tetelu he andew zutun, egkevanhew a.”

Mateo 26:54

Iyan,” ke si Jesus, “emun ebpetavang a kandin ne kenà egketuman sikan is nengetagnà dengan dutun te insurat he Lalag te Megbevayà; ne kinahanglan he egkeulaula haazà sumalà is netagnà,” ke sikandin.

Mateo 26:56

Iyan, guntaan, human en egkeulaula heini is langun kayi su egketuman sikan is menge tagnà he insurat dengan te ebpemeneuven te Megbevayà.” Ne hein nekag̵i en ni Jesus haazà, mid-ewaan sikandin dutun te menge sumusundan din su nemelag̵uy zan is langun.

Marcos 9:31

su wey kenà sikandin mesemuki is ebpenurù te menge sumusundan din. Ne ke sikandin diyà te kandan te, “Siak is Kakey te Menusiyà, duen timpu he ibpalad a ziyà te menge kuntada ku ne edhimetayan e zan, iyan, seled te tetelu he andew zutun egkevanhew a.”

Lucas 21:22

Su iyan en haazà sikan is timpu he netagnà dengan he zutun edsilutan te Megbevayà is menge kuntada zin he etew. Ne insurat heini zuen te ebpemeneuven dengan te Megbevayà.

Lucas 22:37

Su kinahanglan he egketuman en dini te kedì sikan is insurat he Lalag te Megbevayà he edhenduen te, ‘Inragkes sikandin dutun te menge selaan he etew.’ ”

Lucas 24:46

Ke sikandin te, “Ibpesavut duen te insurat he Lalag te Megbevayà he kinahanglan he siak is hadì he mibpilì te Megbevayà, ne edhimetayan a ne seled te tetelu he andew zutun ne ebenhawen a te Megbevayà.

Lucas 9:22

Ne ke sikandin daan te, “Siak is Kakey te Menusiyà, kinahanglan he mezakel is menge kemeresayan he ibpaantus kediey. Edsumpeliten a te menge ebmeg̵urangen te menge Hudiyu wey te menge punuan he memumuhat wey te menge menunudlù te kesug̵uan. Edhimetayan e zan ne seled te tetelu he andew zutun egkevanhew a.”

Lucas 9:44

“Kenè niw lipati heini is egkeg̵iyen ku keniyu, duen timpu keuzemà he siak is Kakey te Menusiyà, ibpalad a ziyà te menge kuntada ku,” ke sikandin.

Juan 3:14

Ne mid-uman megkag̵i si Jesus te, “Dengan te kemulu pa ensi Moises diyà te tanà he wazà duen ed-ubpà he etew mibeelan din is uled he g̵alang ne intaud din te kayu ne imbayew zin. Siak is Kakey te Menusiyà, iring din ded daan is egkehitavù kedì keuzemà su idtaud a zaan te kayu ne ibayew a.

Juan 5:39

Ed-istudiyuwan niw is ingkesurat he lalag din su kunaan niw ke tenged dutun ebpekeangken kew te untung he wazà pidtemanan. Edtistig̵usan a te insurat he Lalag te Megbevayà,

Juan 5:46

Angin ke venar is kedtuu niw kandin su ebpeketuu kew zaan kediey su insurat din dutun is keag̵i ku.

Nengeulaula 13:33

Ne sikitew is menge kevuwazan dan, midhimu zin dini te kenitew is impenaad din kandan ne mibanhew zin si Jesus. Su zuen migkag̵i te Megbevayà dutun te libru te menge Salmo he insurat dengan dutun te ikezuwa he Salmo he edhenduen te, ‘Iyan ka Anak ku ne g̵untaan ibpeehè ku he Amey a kenikew.’

Nengeulaula 13:40

Purungi niw isipa heini su wey kenà mehitavù diyà te keniyu is netagnà dengan he Lalag te Megbevayà he insurat te ebpemeneuven he ke sikandin te,

Nengeulaula 2:27

su netuenan ku he kenè nu ebpesegdanen is gimukud ku ziyà te Iveyaan. Siak is metinumanen he sulug̵uen nu, netuenan ku zaan he kenè nu idtug̵ut he meredak is lawa ku.

Nengeulaula 3:18

Impesavut dengan te Megbevayà pinaag̵i te tagnà te ebpemeneuven din he edresayen te menge etew is mibpilì din he ibpahadì. Ne midhimu zin he metuman heini pinaag̵i te mid-ulaula niw.

Nengeulaula 7:37

Ne si Moises, migkeg̵iyan din is menge kepuun tew te, ‘Keuzemà duen daan ebpeneuven te Megbevayà he ed-uwit keniyu iring kedì te ebpeneuven din. Ne heini he ebpeneuven keuzemà, duma niw zaan he Hudiyu.’

Hibriyuhanen 10:1

Ne egkesavut te en he is kesug̵uan he imbilinbilin ni Moises, ne alung dà; ne is langun he meupiya he egkehimu pinaag̵i ki Kristu, ne iyan hustu he impaalung dutun te kesug̵uan. Su insug̵ù dutun te kesug̵uan he kinahanglan kada tuig, ne layun edhimuwa is menge kebpemuhat. Ne tenged kayi egkesavut ta zaan he pinaag̵i kayi te kebpemuhat kenà egkehimu he ebmetazeng is menge etew.

Hibriyuhanen 3:5

Ne si Moises, sulug̵uen sikandin he metinumanen is kebayàbayè din te valey te Megbevayà ne nehimu is menge vaal zin he alung te ibpaahà te Megbevayà te egkeug̵et pa zutun he timpu egketuman.

Hibriyuhanen 7:1

Su heini si Milkisidik, ne hadì sikandin dengan te inged he Selim, wey memumuhat sikandin he ed-azap te lavew he Megbevayà. Ne zuen timpu zutun he si Abraham, mibpekidtebek te menge hadì he kuntada zin ne mibpenhimetayan din. Ne zutun te ked-ulì ni Abraham, midsinug̵ung sikandin ni Milkisidik, ne migkag̵i ni Milkisidik pinaag̵i te kebpenuvadtuvad he edtuvazan si Abraham te Megbevayà te meupiya he tuvad.

Hibriyuhanen 9:8

Iyan heini ulaula te menge memumuhat dutun te simbahan, ne pinaag̵i kayi ibpesavut kenitew te Wag̵as he Mulin-ulin he te kemulu pa kinahanglan he egemiten haazà is egkehuna he rug̵u he egngezanan te mahal he rug̵u, kenè pa ebpekeseled is menge etew zà duen dutun te utew mahal he rug̵u.

1 Pedro 1:11

Mid-istudyuwan dan ke keenu wey ke egkemenumenu is kegketuman kayi, su in-ulin heini kandan te Wag̵as he Mulin-ulin he ebpuun diyà te ki Kristu. Impesavut din kandan he zuen menge kemeresayan he egkeantus ni Kristu zini te kelibutan ne emun egketapus haazà edhimuwen sikandin he utew lavew.

Impezayag 19:10

Ne zutun midlangkeb a ziyà te etuvangan din su ed-ezapen ku pezem, iyan, mibensag̵an e zin te, “Kenà a kenikew ezapa su siak wey sikew wey is langun he menge zuma nu he edtuu te tuluuwen he impenurù ni Jesus, neked-iiring kiw zà he menge sulug̵uen te Megbevayà. Iyan nu zà ezapa is Megbevayà!” Umba migkag̵i zin haazà su sikan is ibpekag̵i te Megbevayà dutun te menge ebpeneuven te Megbevayà, ne iyan sikan is tuluuwen he impenurù ni Jesus.