Lucas 24:39 - Manobo Western Bukidnon

³⁹ Ahaa niw man heini is palad ku wey paa ku su iyan e zed! Semsama a keniyu ne egketuenan niw! Su is gimukud, ne wazè din lawa, iyan, siak, ahaa niw man, duen lawa ku,” ke sikandin.

Lucas 24:39 Cross References

Lucas 23:46

Ne zutun ne migkulahì si Jesus is egkag̵i te, “Amà, ibpeg̵ewezan ku en kenikew is gimukud ku.” Ne iyan dà haazà ne naawà is gehinawa zin.

Lucas 24:38

Iyan, migkag̵i zutun si Jesus diyà te kandan te, “Ne maan is egkengehandek kew kedì? Maan is egkezuwazuwa kew kedì?

Lucas 24:40

Ne impeehè din kandan is menge imbayà te ransang diyà te menge palad din wey paa zin.

Juan 20:20

Ne zutun impeehè din kandan is menge palì diyà te menge velad din wey ziyà te tengkilizan din. Ne utew nengelipey is menge sumusundan te kebpaahà kandan te Nengazen.

Juan 20:25

Ne tenged dutun midtudtulan sikandin te menge zuma zin he sumusundan, ke sikandan te, “Mibpaahà kenami is Nengazen tew.” Iyan, migkag̵i si Tomas te, “Kenà a ebpeketuu he nevanhew sikandin emun kenè ku egkeahà is menge velad din he nepelian te ransang. Ne emun kenè ku egketiyukan te tezù ku is palì diyà te velad din wey ziyà te kilid din, kenà a ebpeketuu.”

Juan 20:27

Ne zutun migkeg̵iyan din si Tomas te, “Itiyuk nu kayi is tezù nu; is belad nu zaan, itiyuk nu kayi te kilid ku; ahaa nu is menge velad ku ne kenà ke en maan meduwazuwa, kekenà, tuu ka.”

1 Tiselunika 5:23

Is Megbevayà, ne iyan ebeg̵ey te kelinew, berakat he purungi zin lumpiyuwi is ulaula niw. Lig-eni zin is tivuuk he g̵ehinawa niw, isip niw, wey lawa niw su para wazà igkesewayi keniyu keuzemà te kedlikù te Nengazen tew he si Jesus.

Hibriyuhanen 12:9

Su minsan is amey ta zini te kelibutan, emun ebmensuwen ki zin ne ebpekepevayàbayè ki g̵ihapun kandin, wey pe be kenà mehimu he ebpekepevayàbayè ki zaan te Amey ta ziyà te langit? Su pinaag̵i kayi egkeangken ta is untung he wazè din pidtemanan.

1 Juan 1:1

Ebpesuratan ku sikiyu mehitenged ki Kristu. Migeraran sikandin te Lalag he ebpekeveg̵ey te wazà pidtemanan he untung. Daan en sikandin te wazè pa tukuza is kelibutan. Ne minsan pa zutun neehè dey sikandin ne nekepemineg key te migkag̵i zin. Neehè dey ne neg̵ewezan dey sikandin.