Lucas 24:2 - Manobo Western Bukidnon

² Nekeuma zan dutun ne neehè dan he in-awè en sikan is batu he inlekeb dutun te surung he penlevengà.

Lucas 24:2 Cross References

Mateo 28:2

Ne zutun netekewtekew medlinug te utew mezesen. Ne zuen ebpuun diyà te langit he velinsug̵uen te Nengazen. Ne mibpenaug haazà ne in-awè din kes batu he inlekeb dutun te surung ne mid-untuzan din.

Lucas 24:1

Ne hein neiwas is Andew te Kedhimeley te kegkepawè din dutun te andew he Duminggu, mibpehendiyè en maan haazà is menge vahi te midlevengan ki Jesus ne mid-uwit dan sikan is menge mehemut he idhaplas he mid-andam dan.

Lucas 24:3

Ne mid-ahuk dan dutun ne ebpenlenglenguwen dan kes lawa te Nengazen he si Jesus ne wazè en dutun.

Juan 11:38

Ne zutun mid-iseg is kegkeseeng ni Jesus, ne mid-uvayan din haazà is midlevengan. Su haazà is penlevengà, surung diyà te pangpang. Duen inlekeb dutun he vatu te g̵emawan din.

Juan 11:41

Ne in-awè dan dutun haazà is batu he inlekeb te surung. Ne midlingahà si Jesus diyà te langit ne migkag̵i te, “Amey ku, ebpeselamat a kenikew su ebpemineg̵en nu is ebuyuen ku.