Lucas 24:11 - Manobo Western Bukidnon

¹¹ Iyan, sikan is menge epustul ni Jesus, kunaan dan ke kenà tutuu haazà ne wazè dan medtuu zutun te tudtul te menge vahi.

Lucas 24:11 Cross References

Marcos 16:11

Ne hein midtudtulan sikandan ni Maria he neehè din si Jesus su nevanhew en, wazè dan tuuwi.

Marcos 16:13

Ne midlikù dan diyà te Hiruselim ne mibpenudtulan dan is menge zuma zan he neehè dan si Jesus, iyan, minsan pa zutun wazà medtuu is menge zuma zan.

Marcos 16:14

Ne zutun, mibpaahà daan si Jesus dutun te sepulù wey sevaha he menge sumusundan din te timpu he egkekaan sikandan. Midsawey zin sikandan tenged te kezesen te isip dan su wazè dan medtuu te menge etew he nemenudtul he nekeahà kandin he nevanhew.

Lucas 24:25

Ne zutun migkag̵i si Jesus diyà te kandan te, “Kurang kew pe bes te ked-isip. Maan is utew mereg̵en diyan te keniyu is kebpeketuu niw te langun he netagnà dengan te menge ebpemeneuven te Megbevayà?

Lucas 24:41

Ne g̵eina te kemulu zan pa eduwazuwa, asal, utew zan nengeg̵alew, mid-insà si Jesus te, “Duen be egkeenen niw kayi?”

Nengeulaula 12:9

Ne midsunud si Pedro kandin pehendiyà te g̵awas, iyan, wazè din metueni he kenè din teg̵einep dà haazà is kedtevangi kandin dutun te velinsug̵uen.