Lucas 23:32 - Manobo Western Bukidnon

³² Ne zuen daan dutun dezuwa he tulisan he ed-uwiten dan su edhimetayan dan duma ki Jesus.

Lucas 23:32 Cross References

Mateo 27:38

Ne zuen dutun dezuwa he tulisan he inransang dan daan. Impasek is krus te sevaha zutun diyà dapit te egkekewanan din, ne impasek is krus te sevaha ziyà te egkeg̵ivang din.

Marcos 15:27

Ne zuen dezuwa he tulisan he inransang dan daan te krus. Is krus te sevaha, ne ziyè dan ipasek te zapit te egkekewanan ni Jesus, ne is sevaha zutun, ne ziyà te zapit te egkeg̵ivang din.

Lucas 22:37

Su kinahanglan he egketuman en dini te kedì sikan is insurat he Lalag te Megbevayà he edhenduen te, ‘Inragkes sikandin dutun te menge selaan he etew.’ ”

Lucas 23:31

Su,” ke si Jesus diyà te kandan te, “emun iyan heini ed-ul-ulahan dan kedì te iring te kayu he wazà meg̵angu su wazà mulà kedì he salà, ne edhuna pa kayi is ed-ul-ulahan dan keniyu te iring te kayu he neg̵angu en.”

Juan 19:18

Ne zutun inransang si Jesus te menge sundaru. Ne zuen pa zezuwa he inransang dan daan diyà te krus. Impasek dan is krus te sevaha ziyà te egkeg̵ivang, ne is sevaha, diyà te egkekewanan, ne ziyà te teliwazà si Jesus.

2 Timoteo 2:9

Ne tenged kayi te kebpenudtul ku te Meupiya he Tudtulanen midrasey a te menge kuntada te Megbevayà ne neeg̵en a te kedina he iring te mesinupaken, iyan, kenà mulà egkeeg̵en is Lalag te Megbevayà.

Hibriyuhanen 12:2

Edhemenan ta is kedsarig ta ki Jesus su iyan sikandin puunà te kedtuu ta ne pinaag̵i zaan kandin egkeheg̵et is kedtuu ta. Mid-antus din is kedrensanga kandin dutun te krus. Ne wazè din ikeeled haazà is kedhimetayi kandin, kekenà, mid-isip din he utew zin igkelipey is egkeulaula zin emun egkeipus haazà is ked-antus din. Ne g̵untaan mibpinuu en sikandin dutun te utew lavew he pinuuwà su ziyà te zapit te egkekewanan te Megbevayà.