Lucas 23:11 - Manobo Western Bukidnon

¹¹ Ne zutun si Hirudis wey is menge sundaru zin, ne mibaleyvaley zan si Jesus ne mid-eled-eled dan sikandin. Ne midsun-uzan dan te meupiya he bisti su uvag kun hadì, ne zutun impelikù dan diyà te ki Pilatu.

Lucas 23:11 Cross References

Mateo 14:1

Ne zutun he timpu nezineg ni Hadì Hirudis is tudtul mehitenged te ulaula ni Jesus.

Mateo 14:3

Ne iyan hinungdan te kegkehimetayi ki Juan, su midsawey zin si Hirudis he migkag̵i te, “Nekesupak ka te kesug̵uan su mid-esawa nu si Hirudyas,” ke sikandin. Ipag ni Hirudis si Hirudyas, su esawa te hazi zin he si Felipe. Ne tenged dutun te kedsewaya kandin ni Juan impezakep ni Hirudis si Juan ne mibpirisu zin. Edhimetayan din pezem si Juan, iyan, egkehandek te menge Hudiyu su netuenan dan he ebpeneuven si Juan te Megbevayà.

Mateo 14:6

Ne neuma is andew he edsilibrahan ni Hirudis is ked-enaka kandin, ne midseyawan te anak he rag̵a ni Hirudyas is menge etew he nengetig̵um dutun. Ne utew nesuat si Hirudis tenged dutun.

Marcos 9:12

Ne midtavak si Jesus te, “Tutuu iyan he edhuna ebpekeuma si Elias su ed-endamen din is langun, iyan, maan is netagnà dengan dutun te ingkesurat he Lalag te Megbevayà he siak is Kakey te Menusiyà, mezakel is memerasey he egkeantus ku ne edsumpeliten a.

Lucas 23:10

Ne zutun, haazà is menge punuan he menge memumuhat wey is menge menunudlù te kesug̵uan, ne mid-uvey zan ne utew meinit is gehinawa zan te kedsumbunga zan ki Jesus.

Juan 19:5

Ne zutun midlawang si Jesus he kemulu midsuupan is ulu zin te zug̵iyen wey midsun-uzan te merig̵à he kumbalà. Ne migkag̵i si Pilatu te, “Tengtengi niw sikandin!”

Santiago 2:2

Penenglitan duen edseled diyà te simbahan niw he sepian he edsisising te vulawan ne utew mahal is bisti zin. Ne zuen daan edtampu he egkeayuayu ne nenggeremisey is kandin he bisti.

Santiago 2:3

Ne edtehuzan niw heeyan is meupiya is bisti zin ne ke sikiyu te, “Kayi ka te meupiya he vangkù.” Iyan, haazà mulà is egkeayuayu, egkeg̵iyan niw zà te, “Kayi ka hitindeg,” wey ke, “Dini ka pinuu te saag uvey te kedì he vangkù.”