Lucas 22:66 - Manobo Western Bukidnon

⁶⁶ Ne hein nepawà dutun, netig̵um is langun he menge ebmeg̵urangen te menge Hudiyu wey is menge punuan he menge memumuhat, wey is menge menunudlù te kesug̵uan, ne impeetuvang kandan si Jesus.

Lucas 22:66 Cross References

Mateo 27:1

Ne hein nepawà dutun is langun he menge punuan te menge memumuhat wey menge ebmeg̵urangen te menge Hudiyu, mid-uyunan dan ke ebmenmenuwen dan is paag̵i wey iketug̵ut kandan is kedhimetayi ki Jesus.

Mateo 5:22

Ne iyan kedì he penurù is: minsan sikan is egkepauk dà te zuma zin, edhukuman daan sikandin te Megbevayà. Ne sikan is edsulà te zuma zin te, ‘Wazè nu pulus he etew!’ ne egkeuwit sikandin diyà te husayen. Ne sikan is edsulaan din is duma zin he egkag̵i te, ‘Tulebung ka he wazè nu pulus,’ ne zait sikandin he egkeuwit diyà te hapuy te Impirnu.

Marcos 15:1

Ne kegkepawè dà dutun, is menge punuan te menge memumuhat wey is menge menunudlù te kesug̵uan wey is menge ebmeg̵urangen te menge Hudiyu, wey is langun he menge menhuhusey, neuyun dan ke hengkey is ed-ul-ulahan dan ki Jesus, ne zutun mibakus dan sikandin ne inhated dan diyà te gubirnedur he Rumanu he si Pilatu.

Juan 18:28

Ne zutun mid-uwit dan en maan si Jesus puun dutun te valey ni Keyipas ne midhendiyè dan te turug̵an te gubirnedur he Rumanu. Ne meselem pa utew zutun. Ne ziyè dà is menge punuan he menge Hudiyu te g̵awas su wey kenè dan mekesupak te vetasan dan te kegkelumpiyuwi su ke edseled dan dutun wazà itug̵ut kandan is kedtampu te kegkaan te Idlavung te Kedlevayi.

Nengeulaula 22:5

Is lavew he memumuhat wey is langun he ebmeg̵urangen tew, ebpeketistig̵us dan he tutuu heini is egkeg̵iyen ku keniyu su mibeg̵ayan e zan te menge surat he impeuwit dan kedì diyà te menge zuma zan he Hudiyu ziyà te inged he Demasku. Umba edhendiyà a su wey ku mezakep dutun is menge tumutuu ki Jesus su ed-uwiten ku sikandan dini te Hiruselim wey mesiluti sikandan.