Lucas 22:52 - Manobo Western Bukidnon

⁵² Ne elin daan dutun te nemenhendutun te kedakep ki Jesus is menge punuan te memumuhat wey is menge kepitan te ebantey zutun te zekelà he simbahan wey is menge ebmeg̵urangen te menge Hudiyu. Ne migkeg̵iyan sikandan ni Jesus te, “Tulisan e ve? Su maan is neg̵umeenan kew te ubpit wey lagkut is edakep kedì?

Lucas 22:52 Cross References

Mateo 26:47

Ne te kemulu pa zutun egkag̵i si Jesus, nekeuma si Hudas is sevaha zuen te sepulù wey zezuwa he epustul. Duma zin is mezakel he menge etew he nengeg̵umeenan te menge ubpit wey menge lagkut. Menge sug̵ù haazà te menge punuan te memumuhat wey menge ebmeg̵urangen te menge Hudiyu.

Mateo 26:55

Ne zutun migkeg̵iyan ni Jesus haazà is menge etew te, “Tulisan e ve? Su maan is neg̵umeenan kew te menge ubpit wey menge lagkut is edakep kedì? Kada andew ne egkeahà a keniyu is ebpenurù te menge etew ziyà te Valey te Megbevayà, ne maan is wazà a keniyu zutun dà dekepa?

Lucas 22:37

Su kinahanglan he egketuman en dini te kedì sikan is insurat he Lalag te Megbevayà he edhenduen te, ‘Inragkes sikandin dutun te menge selaan he etew.’ ”

Lucas 22:4

Ne heini si Hudas, ne midhendiyà te menge punuan te menge memumuhat wey menge kepitan te menge ebantey zutun te zekelà he simbahan ne migkeg̵iyan din sikandan he egkehimu he ibpalad din si Jesus diyà te kandan.

Lucas 22:51

Ne zutun migkag̵i si Jesus diyà te menge sumusundan din te, “Ereg kew!” Ne zutun inlikù ni Jesus haazà is telinga zutun te nelepungan ne henduen te wazà pig̵eyanan gihapun te telinga zin.

Lucas 22:53

Ne hein duma a keniyu kada andew ziyà te Valey te Megbevayà is ebpenurù ne wazà a keniyu zutun dà dekepa. Iyan, iyan heini g̵untaan kes timpu he imbanglis keniyu wey niw meveeli is egkesuatan ni Setanas.”

Juan 17:12

Te kemulu e pa zuma zan, is menge etew he imbeg̵ey nu kediey, midlig-enan ku sikandan pinaag̵i te g̵ehem te ngazan nu he iyan daan kes ngazan he imbeg̵ey nu kediey. Mibentayan ku sikandan ne wazà minsan sevaha he egketazin kandan. Sikan is etew he netagnà is kedsiluti kandin, egketazin sikandin su egketuman is tagnà diyà te insurat he Lalag te Megbevayà.

Nengeulaula 5:26

Ne zutun mibeyaan haazà is menge epustul zutun te kepitan wey menge pulis ne mid-uwit dan sikandan diyà te menge punuan, ne wazà bug̵ela zutun te pulis haazà is menge epustul su nahandek dan te menge etew su kela ke tulenga sikandan te vatu.