Lucas 22:29 - Manobo Western Bukidnon

²⁹ Mibeg̵ayan a te Amey ku he Megbevayà te ketenged te kedhadì keuzemà. Ne iring din ded daan ne ebeg̵ayan ku zaan sikiyu te ketenged te kedhadì.

Lucas 22:29 Cross References

Mateo 24:47

Egkeg̵iyen ku keniyu he is sulug̵uen he metinumanen, idsarig kandin is langun he menge azen te egalen din.

Mateo 25:21

Ne migkag̵i haazà is egalen din te, ‘Utew meupiya is baal nu! Metinumanen ka he sulug̵uen! Ne g̵eina te egkeserig̵an ka te zeisey he selapì idsarig ku kenikew is dekelà. Seled ka zini wey ka mekeambit te kelipey ku.’

Mateo 25:34

Ne zutun, siak is hadì, ekeg̵iyan ku is menge etew ziyà te zapit te egkekewanan ku te, ‘Sikiyu is midtuvazan te Amey ku he Megbevayà, kayi kew su iyan kew edhedian ku. Su is kedhadì ku keniyu, integ̵ana en dengan puun pa te kedlimbag̵a te kelibutan.

Mateo 28:18

Ne mid-uvayan sikandan ni Jesus, ne ke sikandin te, “Imbeg̵ey kedì is ke g̵ehem te kebayàbayà diyà te langit wey zini te tanà.

Mateo 5:10

Utew zeyzey sikandan is ed-antus te kegkepeuki kandan te menge etew tenged te edtumanen dan is egkesuatan te Megbevayà su iyan sikandan egkehedian te Megbevayà.

Mateo 5:3

Ne ke sikandin te, “Utew zeyzey is nengesayud he kenà sikandan ebpekeulaula te meupiya ke kenà sikandan edtevangan te Megbevayà su iyan sikandan egkehedian te Megbevayà.

Lucas 12:32

Sikiyu is menge sumusundan ku, kenè kew mahandek. Minsan pa te zeisey kew zà, is Amey niw he Megbevayà, egkesuatan din he medhadì kew iring te edhadì daan sikandin.

Lucas 19:17

Ne midtavak haazà is hadì te, ‘Utew meupiya heeyan. Meg̵ied ke ves iyan. Ne g̵eina te egkeserig̵an ka te minsan deisek he selapì ne iyan suhul ku kenikew is iyan ku sikew ibpezumala te sepulù he inged.’

1 Kurintu 9:25

Ne sikan is idlumbà, edhag̵ù sikandin su wey melumbad is lawa zin. Iyan id-ul-ulaha zin kayi su wey zin mezawat is suhul he melemu egkeawà is pulus din. Ne sikitew is tumutuu, edhag̵ù kiw zaan kayi te kedsundan tew te Nengazen su wey tew mezawat is suhul he kenà mulà egkeawà is pulus din te wazà pidtemanan.

2 Kurintu 1:7

Umba kenà duwazuwa is kedsarig dey keniyu su netuenan dey he emun ed-entusen niw is merasey he iring te naantus dey zaan, ne iring din ded daan, edtevangan kew te Megbevayà iring te edtevangan key zin daan.

2 Timoteo 2:12

Ke ed-antus ki te kemeresayan ebpekehadì ki keuzemà duma kandin. Iyan, ke egkag̵i ki he kenè ki g̵aked din egkag̵i zaan sikandin keuzemà he kenè ki iyan gaked din.

Santiago 2:5

Pemineg̵a niw, menge minahal ku he suled, is ibpesavut ku keniyu. Duen mibpilì te Megbevayà he egkengeayuayu. Ne minsan deisek is ketig̵eyunan dan midhimu te Megbevayà he zekelà mulà is kedsarig dan kandin ne iyan sikandan edtuvazan din pinaag̵i te kedhadì din sumalà is penaad din diyà te langun he ebmahalen dan sikandin diyà te g̵ehinawa zan.

1 Pedro 5:4

Ne emun edlikù si Jesus, sikan is lavew he ed-elima te menge kerehidu te Megbevayà, duen idsuhul zin keniyu he iyan is kebpekeambit niw te utew zin kegkelavew he kenà egkehanew.

Impezayag 21:14

Ne is elavat dutun te inged, ne sepulù wey zezuwa is impepinuuwan dutun he zekelà he vatu. Ne midsuratan haazà is menge vatu te menge ngazan te sepulù wey zezuwa he menge epustul zuen te nati he kerehidu.