Lucas 21:7 - Manobo Western Bukidnon

⁷ Ne mid-insaan dan si Jesus, ke sikandan te, “Datù, keg̵iyi key ke keenu egkehitavù heini is langun wey ke hengkey is egkeulaula he tuus he iyan en timpu he egketuman heini is langun he migkag̵i nu g̵eina?”

Lucas 21:7 Cross References

Mateo 24:3

Ne netegteg̵aad dutun mibpinuu si Jesus diyà te vuvungan he egngezanan te Ulivuwan. Ne mid-uvayan en maan sikandin te menge sumusundan din te wazè dan duma su iyan dan dà. Ne ke sikandan te, “Keg̵iyi key ke keenu egkehitavù heini is langun, wey ke hengkey is egkeulaula he tuus wey zey metueni he iyan en kedlikù nu wey kegketapus kayi te timpu?”

Marcos 13:14

Ne is egngezanan te melimezang he ebpekekaid, emun egkeehè niw he ziyè en haazà te simbahan he Valey te Megbevayà he wazà itug̵ut kandin, ne sikan is diyà te prubinsya he Hudiya, mebpelag̵uy zan pehendiyà te vuntud. (Is ebpekevasa kayi te tagnà dengan mehitenged kayi, kinahanglan he sevuta zin.)

Lucas 21:32

Tenuzi niw is egkeg̵iyen ku keniyu he emun egkeehè niw he egkengetuman en heini, kenè kew pa egkeamin ebpatey taman te kenè pa egkengetuman heini is langun.

Lucas 21:6

“Egkeuma is andew he langun kayi te egkeehè niw ne egkezeetan. Wazà keuzemà minsan sevaha he vatu he ebpekeuntud diyà te sevaha su egkewag̵ey heeyan is langun he vatu; wazà egkesamà keniyan te nesevukan din su is langunlangun keniyan ne egketempag.”

Lucas 21:8

Ne midtavak si Jesus te, “Mebpekevantey kew wey kew kenà mekesundan te teruen he etew su mezakel is ebpemenlepew he egamit te ngazan ku he egkag̵i is kada sevaha zutun he iyan sikandin sikan is mibpilì te Megbevayà he ibpahadì. Ne egkag̵i zaan te, ‘Iyan en heini timpu te kedlimasa te Megbevayà te menusiyà,’ ke sikandan. Iyan, kenè niw tuuwi su tarù.