Lucas 21:27 - Manobo Western Bukidnon

²⁷ Ne zutun, siak is Kakey te Menusiyà, egkeahà a ziyà te menge g̵apun is ebpekeuma he utew zekelà is gehem ku wey utew merayag is ked-anlag ku.

Lucas 21:27 Cross References

Mateo 24:30

Ne zutun, siak is Kakey te Menusiyà, egkeahà diyà te langit is tuus te kebpekeuma ku. Ne zutun utew egkengeseeng is langun he menge etew zini te kelibutan. Ne egkeehè e zan is Kakey te Menusiyà diyà te menge g̵apun su ebpekeuma a. Ne utew zekelà is gehem ku wey utew merayag is ked-anlag ku.

Mateo 25:31

Siak is Kakey te Menusiyà, dutun te kedlikù ku he utew zekelà is gehem te ked-anlag ku wey edumahan ad te langun he menge velinsug̵uen ku, ebpinuu ad is edhadì.

Mateo 26:64

Ne midtavak si Jesus te, “Iyan heeyan sumalà is migkag̵i nu ne ekeg̵iyan ku sikiyu is langun he siak is Kakey te Menusiyà, keuzemà egkeahà a keniyu is diyà ebpinuu te zapit te egkekewanan te Megbevayà. Ne egkeahà a zaan keniyu ziyà te menge g̵apun is ebulus he ebpuun diyà te langit,” ke sikandin.

Marcos 13:26

Ne zutun, siak is Kakey te Menusiyà, egkeahà a ziyà te menge g̵apun is ebpekeuma he utew zekelà is gehem ku wey utew merayag is ked-anlag ku.

Lucas 21:26

Ne zuen en dutun menge etew he egkengevidtawan te kegkehandek su egkengeseeng ke hengkey en is egketemanan te langun he ebpeebuten he egkengehitavù dini te kelibutan su egkengehuyung is minsan hengkey he merayag diyà te langit.

Impezayag 1:7

Ebpekeuma si Jesu Kristu he ziyà egkeahà te menge g̵apun. Egkeahà sikandin te tivuuk he menusiyà ragkes is menge etew he mibpilak kandin dengan. Ne is langun he kelasi te menusiyà dini te kelibutan, ebpekesineg̵ew zan tenged kandin su egkehandek dan te silut. Metuman heini is langun.

Impezayag 14:14

Ne zutun neehè ku is gapun he utew meputì, ne zutun te g̵apun duen ebpimpinuu he henduen be te iyan sikan is Kakey te Menusiyà. Duen bulawan he kuruna he insuup diyà te ulu zin ne egawed te g̵arab he utew meg̵arang.