Lucas 21:12 - Manobo Western Bukidnon

¹² Iyan, kayi te kenè pa heini egketuman ne edekepen kew te menge etew ne ebpesipelahan kew zan. Ibpeetuvang kew zan te menge punuan te menge simbahan te menge Hudiyu ne egkestiguwen kew zan. Ibpeetuvang kew zaan te menge hadì wey menge gubirnedur tenged te kedsundan niw kediey.

Lucas 21:12 Cross References

Mateo 22:6

Ne is duma he etew zutun, migewezan dan haazà is midsug̵ù te hadì, ne mibpemug̵el zan ne human dan himetayi.

Mateo 24:8

Iyan, heini he egkehitavù, ne iring te ed-anak he sikan pa ebpuunà is belilit din.

Lucas 21:11

Egkehitavù diyà te minsan hendei is menge mezesen he linug wey mepait he vitil ne ziyà te mezakel he menge inged ebpekeeneb is daru. Ne zuen egkeehè niw he utew igkeinuinu wey mekehandekhandek he singyal he ebpuun te langit.

Juan 15:20

Tentenuzi niw is migkag̵i ku keniyu he is sulug̵uen, kenà lavew te egalen din. Su ke mibpesipelahan e zan is egalen niw, iyan kew pe be kenè dan pesipelahi. Ke edtumanen te menge etew is kedì he penurù, edtumanen dan daan is keniyu.

Juan 15:21

Iyan, ebpesipelahan kew te menge etew tenged te kedtuu niw kediey su wazè dan mekilala is Amey ku he midsug̵ù kediey.

Nengeulaula 22:30

Ne hein nepawà impaawà dutun te kepitan si Pablo. Egkesuatan din he metueni zin ke hengkey is insumbunga ki Pablo te menge Hudiyu, umba midtig̵um din is menge punuan he memumuhat wey is langun he menge ebmeg̵urangen. Ne migkuwa zin si Pablo ne impeetuvang din.

Nengeulaula 5:40

iyan, impeseled dan en maan haazà is menge epustul ne impevug̵el zan. Ne migkeg̵iyan dan haazà is menge epustul he kenè dan ipenurù is kedtuu te ngazan ni Jesus ne zutun impaawè dan.

Nengeulaula 8:3

Ne si Seulu, egkesuatan din he mezezeeti zin is upakat te menge tumutuu ne mezaat is ed-ul-ulahan din kandan. Midsusi zin is kada valey ne midakep din is menge tumutuu ne mibpen-uwit din is menge maama wey menge vahi ne mibpirisu zin.

Nengeulaula 9:4

Ne nepiley sikandin diyà te tanà ne nezineg din is egkag̵i te, “He Seulu, maan is ebpesipelahan a kenikew?”

1 Pedro 2:13

Kinahanglan he edtumanen niw is midtukud he velaud diyan te inged niw su iyan heini egkesuatan te Nengazen. Ebpesakup ki te lavew he hadì su iyan sikandin ebayàbayà te langun.

Impezayag 2:10

Kenè kew mahandek te meg̵aan niw en igkerasey. Si Setanas, meg̵aan din en ibpepirisu is duma keniyu su ebpenulayen kew zin. Ne seled te sepulù he andew ebpekeantus kew te kemereg̵enan. Mebmetinumanen kew te menge sug̵ù ku taman te kemetayen su ebeg̵ayan ku sikiyu te kuruna he iyan is untung he wazà pidtemanan.