Lucas 20:5 - Manobo Western Bukidnon

⁵ Ne zutun mibpein-inseey zan is egkag̵i te, “Emun egkeg̵iyen tew he impenaub ki Juan te Megbevayà ne id-insè din ke maan is wazè tew tuuwi si Juan.

Lucas 20:5 Cross References

Mateo 16:7

Ne wazè dan mesavut he kenà iyan is tapey te supas egkeg̵iyen din, ne mibpelelelag̵è dan te, “Iyan ingkeg̵iya zin kayi su wazè kiw mekeuwit te supas.”

Mateo 21:25

Hentei is mibeg̵ey ki Juan Megbebewtismu te ketenged din te kebpemewtismu? Megbevayà be wey ke etew zà?” Ne zutun mibpein-inseey sikandan is egkag̵i te, “Emun egkeg̵iyen tew he Megbevayà, ed-insà sikandin ke maan is wazè tew tuuwi si Juan.

Lucas 20:4

Hentei is mibeg̵ey ki Juan Megbebewtismu te ketenged te kebpemewtismu. Megbevayè be wey ke etew zà?”

Lucas 20:6

Ne emun egkeg̵iyen tew he isip dà te etew, ne egkepeukan kiw te menge etew. Ne edtulengen kiw zan te vatu wey kiw zan mehimetayi su is menge etew, edtuuwan dan he ebpeneuven si Juan te Megbevayà.”

Juan 1:30

Iyan heini kes migkag̵i ku he ke siak te, ‘Duen etew he egkehuziyan kediey, iyan, lavew sikandin kediey su zaan en sikandin te wazè e pa ianak.’

Juan 1:34

Neehè ku en,” ke si Juan, “ne egkeg̵iyen ku keniyu he iyan sikandin sikan is Anak te Megbevayà.”

Juan 3:26

Ne midhendiyè dan te ki Juan ne ke sikandan te, “Menunudlù, sikan is etew he zuma nu hein diyè ka layun te wahig he Hurdan, sikan is migkag̵i nu, ebpemewtismu zaan sikandin ne mezakel he etew is edsundan kandin.”

Juan 3:36

Is minsan hentei he edtuu te Anak te Megbevayà, ebeg̵ayan sikandin te untung he wazà pidtemanan; is minsan hentei he kenà ebpemineg te menge sug̵ù te Anak te Megbevayà, kenà egkeveg̵ayan te untung he wazà pidtemanan, kekenà, wazà pidtemanan te kegkepeuki kandin te Megbevayà.

Nengeulaula 13:25

Ne zutun te meg̵aan en egkepasad ni Juan is ebpeveelan kandin te Megbevayà, migkeg̵iyan din is menge etew te, ‘Kunaan niw vuwa ke iyan a sikan is ebpeebuten niw he hadì, iyan, kenà a iyan. Ebpekesunud sikandin kediey ne lavew sikandin kedì su minsan te kedhekaza zà te hiket te sepatus din kenè e pa zait.’