Lucas 20:14 - Manobo Western Bukidnon

¹⁴ Iyan, hein naahà dutun te menge impeelima te perasan haazà is anak te teg̵ig̵aked ne mibpevitbitiyereey zan te, ‘Na! Iyan en heini sikan is anak din; kuwa kew en su edhimetayan tew ne iyan kiw ebpekeangken kayi te perasan!’

Lucas 20:14 Cross References

Mateo 16:7

Ne wazè dan mesavut he kenà iyan is tapey te supas egkeg̵iyen din, ne mibpelelelag̵è dan te, “Iyan ingkeg̵iya zin kayi su wazè kiw mekeuwit te supas.”

Mateo 21:25

Hentei is mibeg̵ey ki Juan Megbebewtismu te ketenged din te kebpemewtismu? Megbevayà be wey ke etew zà?” Ne zutun mibpein-inseey sikandan is egkag̵i te, “Emun egkeg̵iyen tew he Megbevayà, ed-insà sikandin ke maan is wazè tew tuuwi si Juan.

Mateo 21:34

Ne hein tirag̵un en dutun, midsug̵ù din is menge sulug̵uen din he ibpekuwa te vahin din dutun te perasan din.

Lucas 19:47

Igenat dà dutun ne kada andew ne ebpenurù si Jesus dutun te zekelà he simbahan. Ne is menge punuan dutun te menge memumuhat te Megbevayà, wey is menge menunudlù te kesug̵uan, wey is ebmeg̵urangen te menge Hudiyu, ne egkesuatan dan pezem si Jesus te edhimatey.

Lucas 20:13

Ne migkag̵i haazà is teg̵ig̵aked te perasan te, ‘Hengkey is ed-ul-ulahan ku? Iyan is: iyan ku en edsug̵uen is mahal ku he anak su kenè dan egkeaku te ebpesipala sikandin, kekenà, edtehuzen dan.’

Lucas 20:15

Ne migewezan dan ne mid-uwit dan diyà te g̵awas te perasan ne midhimetayan dan.” Ne zutun migkag̵i med-uman si Jesus te, “Ne g̵eina te iyan haazà mid-ulaula zutun te impemeelima te perasan, hengkey is ed-ul-ulahan kandan dutun te teg̵ig̵aked?

Lucas 20:19

Ne zutun, is menge menunudlù te kesug̵uan wey menge punuan te menge memumuhat te Megbevayà, nesavut dan he iyan din sikandan egkeg̵iyen dutun te sempità, ne ed-isipen dan dutun pezem edekepa si Jesus, iyan, nahandek dan te mezakel he menge etew.

Lucas 20:5

Ne zutun mibpein-inseey zan is egkag̵i te, “Emun egkeg̵iyen tew he impenaub ki Juan te Megbevayà ne id-insè din ke maan is wazè tew tuuwi si Juan.

Lucas 22:2

Ne zutun, is menge punuan he memumuhat wey is menge menunudlù te kesug̵uan, ebpengahà te paag̵i te kegkehimetayi zan ki Jesus he kenà egketuenan te mezakel he menge etew su egkehandek dan te menge etew.

Nengeulaula 2:23

Ne heini si Jesus, impalad te etew keniyu. Ne zaan he netuenan heini te Megbevayà su iyan imbanglis din ki Jesus. Impehimetayan niw sikandin te menge etew he kenà ed-azap te Megbevayà. Ne inransang dan te krus.

Nengeulaula 3:15

Ne sikan is puunà te untung he wazà pidtemanan, midhimetayan niw, iyan, mibanhew sikandin te Megbevayà. Ebpeketistig̵us key he nevanhew en si Jesus su neehè dey.

Ruma 8:17

Ne g̵eina te anak ki zin, keuzemà egkezawat ta is langun he meupiya he impenaad din kenita, ne kenà duen dà taman, su is minsan hengkey he ibeg̵ey zin ki Kristu, ibeg̵ey zin daan kenita. Iyan, wey ki zà ebpekeambit te utew meupiya he kebpekesavuk ni Kristu ke ed-entusen ta is menge kemereg̵enan tenged te kedtuu ta, iring te si Jesu Kristu, nekeantus daan te kemereg̵enan.

Hibriyuhanen 1:2

Iyan, guntaan, duen impesavut te Megbevayà kenitew pinaag̵i te Anak din. Ne heini is Anak din, pinaag̵i kandin ne nelimbag te Megbevayà is minsan hengkey; ne midhimu sikandin te Megbevayà he Nengazen te minsan hengkey.