Lucas 2:46 - Manobo Western Bukidnon

⁴⁶ Ne hein tetelu en he andew is kebpengehè dan, neehè dan sikandin diyà te simbahan he Valey te Megbevayà is ebpemekibitiyara te menge menunudlù te kesug̵uan. Ebpemineg te menge lalag dutun te menge menunudlù ne zuen daan menge insè din kandan.

Lucas 2:46 Cross References

Mateo 12:40

Su nekeseled si Jonas diyà te g̵etek te zekelà he pait seled te tetelu he andew. Ne iring din ded daan, siak is Kakey te Menusiyà, ebpekeseled a ziyà te zizalem te tanà seled te tetelu he andew.

Mateo 16:21

Ne puun dutun impesavut din te menge sumusundan din is imbanglis kandin. Ke sikandin te, “Kinahanglan he edhendiyà a te Hiruselim ne utew merasey is ed-ul-ulahan kedì te menge ebmeg̵urangen te menge Hudiyu, menge punuan he memumuhat wey menge menunudlù te kesug̵uan. Edhimetayan e zan ne seled te tetelu he andew zutun, egkevanhew a.”

Lucas 2:47

Ne utew nengeinuinu is langun he nekezineg te menge tavak din te menge insà kandin su utew sikandin metau.

Lucas 5:17

Sevaha he andew he ebpenurù si Jesus, duen ebpemimpinuu he mezakel he menge Perisiyu wey menge menunudlù te kesug̵uan he midtelavuk dutun. Diyà haazà ebpemuun te langun he menge inged he sakup te Geliliya wey sakup te Hudiya. Ne zuen daan duma zan dutun he ebpemuun te Hiruselim. Ne zutun te ki Jesus is gehem te Megbevayà su wey zin mevewii is menge etew.

Juan 3:10

Ne ke si Jesus te, “Punuan ka he menunudlù kayi te menge zuma tew he menge kevuwazan ni Israyil, ne kenè nu ves egkesavut heini is egkeg̵iyen ku?

Nengeulaula 5:34

Iyan, duen duma zan he egngezanan ki Gemelil. Perisiyu sikandin he menunudlù te kesug̵uan wey telehuzen te langun he menge etew. Ne midhitindeg heini ne insug̵ù din he ed-uwiten dè pa ziyà te g̵awas haazà is menge epustul. Ne hein diyè dan en te g̵awas,

1 Timoteo 1:7

Su minsan pa te egkesuatan dan pezem he menge menunudlù sikandan te kesug̵uan he imbilinbilin ni Moises wazè dan hanew te egkeg̵iyen dan wey wazè dan mesavut is tuluuwen dan he idteg̵el zan diyà te zuma he menge etew.