Lucas 2:38 - Manobo Western Bukidnon

³⁸ Ne te kemulu pa zutun te simbahan si Jose wey si Maria, nekeuma sikandin ne midalig din is Megbevayà tenged dutun te vatà. Ne impesavut din dutun ke hentei haazà is batà diyà te langun he menge etew he netig̵um dutun he hustu is kebpeebuta zan te kedlibriya te Megbevayà te menge kevuwazan ni Israyil.

Lucas 2:38 Cross References

Lucas 1:68

“Edelig̵en tew is Nengazen he Megbevayà tew te menge kevuwazan ni Israyil su sikitew is ed-azap kandin, mibulusan kiw zin ne midlibri kiw zin te menge kuntada tew.

Lucas 2:25

Ne zuen dutun maama he ed-ubpà diyà te Hiruselim he egngezanan ki Simeon. Metazeng haazà he etew he layun edsimba te Megbevayà. Kenà egkeawà diyà te g̵ehinawa zin is kebperetenga zin te kegketuman te midtagnà dengan he zuen timpu he edlibriyen te Megbevayà is nengepilì din he menge etew he menge kevuwazan ni Israyil. Layun ed-ulinan si Simeon te Wag̵as he Mulin-ulin.

Lucas 2:36

Ne zutun te simbahan he Valey te Megbevayà duen meritan he egngezanan ki Ana he ebpeneuven te Megbevayà. Anak sikandin ni Penuwil he kevuwazan ni Asir. Meg̵urang en utew haazà is bahi. Hein menguhed pa sikandin, neesawa, iyan, seled te menge pitu zà he tuig te kegkeesawa zin, ne nevalu sikandin.

Lucas 24:21

Ne netag̵ù diyà te g̵ehinawa zey he iyan en pezem sikandin kes midsug̵ù te Megbevayà he edlibri te langun he kevuwazan ni Israyil, iyan, seled en guntaan te tetelu he kezukileman is kedhimetayi kandin.

2 Kurintu 9:15

Ne tenged kayi ebpeselematan ta is Megbevayà tenged te kebeg̵aya zin kenita te Anak din he wazà minsan hengkey he ebpekerepeng te kemahal zin.

Ipisu 1:3

Dekelà utew is kebpeselemati tew te Megbevayà he Amey te Nengazen tew he si Jesu Kristu su tenged te kebpekidsevaha tew ki Kristu, intuvad din kenitew ziyà te langit is minsan hengkey he meupiya pinaag̵i te ked-ulini kenitew te Wag̵as he Mulin-ulin.