Lucas 19:5 - Manobo Western Bukidnon

⁵ Ne hein nekeuma si Jesus dutun te puun te kayu he mibpemenehikan ni Sekiyu ne midteren ne midlingahà ne ke sikandin te, “He Sekiyu, gaanggaan ke en penaug keniyan su kinahanglan he ziyan a ebpemenahik te valey nu g̵untaan.”

Lucas 19:5 Cross References

Lucas 19:10

Ne siak is Kakey te Menusiyà, iyan inhendini ku te kelibutan su wey ku melibri te silut is langun he nemekesuwey te hustu he ibayà.”

Lucas 19:2

Ne zuen dutun maama he tigHiriku he egngezanan ki Sekiyu. Ne haazà si Sekiyu, ne iyan egalen te menge menunukut te vuhis dutun; ne sepian daan utew sikandin.

Lucas 19:4

Ne iyan mid-ulaula ni Sekiyu is: mibpelelag̵uy ziyà te egkehunaan ne mibpemenahik te kayu he egngezanan te sikemur he egkeseg̵azan ni Jesus su wey zin mepurungi te ed-ahà si Jesus ke edsag̵ad dutun.

Lucas 19:6

Ne zutun ne migaanggaan mebpenaug si Sekiyu ne midlimùlimù ki Jesus he utew egkelipey.

Juan 1:48

Ne ke si Natanael te, “Maan is egkekilala a kenikew?” Ne ke si Jesus te, “Te wazè ke pa beyai ni Felipe, neehè ku sikew is diyà te sihung te kayu he igira.”

Juan 14:23

Ne midtavak si Jesus te, “Ke zuen etew he mahal a ziyà te g̵ehinawa zin, edtumanen din is menge sug̵ù ku, ne zutun mahal sikandin diyà te g̵ehinawa te Amey ku. Ne siak wey is Amey ku, edhendiyè key te kandin ne ziyà key ed-ubpà te kandin.

2 Kurintu 6:1

Ne g̵eina te nehimu key en he menge timbang te Megbevayà, edhengyuan dey sikiyu he himuwa niw he mebpulus is gag̵ew zin keniyu.

Ipisu 3:17

su wey, pinaag̵i te kedtuu niw, melumuni is gehinawa niw ni Jesu Kristu. Ne idhangyù ku zaan he heg̵eti zin wey lig-eni zin is kebmahala niw te minsan hentei. Umba idhangyù ku heini su wey sikiyu,

Hibriyuhanen 13:2

Kenè niw lipati he kinahanglan he ibpeehè niw is gag̵ew niw ziyà te menge etew he kenè niw kilala. Gelg̵elawa niw ziyà te valey niw su zuen dengan menge etew he zuen menge meg̵eliyug dan, iyan, wazè dan metueni he menge velinsug̵uen bes haazà te Megbevayà he ebpuun diyà te langit.

Impezayag 3:20

Pemineg kew su zini ad te g̵emawan niw is ebpenelehuzan. Ke zuen etew he ebpekezineg kediey ne ebpuwasan e zin, edseled a ne egkaan a zuma kandin, ne egkaan daan sikandin duma kediey.