Lucas 19:22 - Manobo Western Bukidnon

²² Ne midtavak haazà is hadì te, ‘Lalung ke ves he sulug̵uen! Heeyan dà te menge lalag nu ne mibpesavut he nekesalè ke en kediey. Su netuenan nu ves he is egkekag̵i ku, ne idteg̵el ku, ne is ibpiyal ku, ne ebperetengen ku is uswag din, ne is ibpepemula ku ne ebperetengen ku is abut din. Ne utew venar heeyan.

Lucas 19:22 Cross References

Mateo 12:37

Su pinaag̵i te menge lalag he nenggawas diyà te vèbè niw ne zutun egkeahà keuzemà ke egkesilutan kew ve wey ke kenà.”

Mateo 22:12

Ne ke sikandin te, ‘He Mama, maan is nekeaku ka he edtelavuk kayi te keemuran he wazè ka medsun-ud te bisti te eseweey?’ Iyan, wazà igketavak dutun te etew.

Lucas 19:21

su ingkehandek ku sikew, su is egkekag̵i nu ne idteg̵el nu, ne ebperateng ka te uswag te ibpiyal nu te zuma nu. Ne iring ded daan te ibpepemula nu su ebperetengen nu is abut.’

Lucas 19:23

Ne maan is wazè nu ipeutang is selapì ku wey mebpursintuwi wey medekelà is egkekuwa ku kayi te kedlikù ku?’

Ruma 3:19

Ne netuenan ta he is ibpesavut kenita kayi te Lalag te Megbevayà, ne ibpesavut daan diyà te menge etew he nesakup te kesug̵uan he iyan key is menge Hudiyu. Ne pinaag̵i kayi egketuenan ta he wazà minsan hentei he etew he ebpekekag̵i he kenà sikandin dait he edsilutan su nekesupak te Megbevayà is tivuuk he menusiyà.