Lucas 19:21 - Manobo Western Bukidnon

²¹ su ingkehandek ku sikew, su is egkekag̵i nu ne idteg̵el nu, ne ebperateng ka te uswag te ibpiyal nu te zuma nu. Ne iring ded daan te ibpepemula nu su ebperetengen nu is abut.’

Lucas 19:21 Cross References

Lucas 19:20

Ne zutun mid-uvey haazà is iketelu he sulug̵uen ne ke sikandin te, ‘Heini zed sikan is selapì nu he impiyal nu kedì. Midtegteg̵aman ku tengesa ne intag̵ù ku

Lucas 19:22

Ne midtavak haazà is hadì te, ‘Lalung ke ves he sulug̵uen! Heeyan dà te menge lalag nu ne mibpesavut he nekesalè ke en kediey. Su netuenan nu ves he is egkekag̵i ku, ne idteg̵el ku, ne is ibpiyal ku, ne ebperetengen ku is uswag din, ne is ibpepemula ku ne ebperetengen ku is abut din. Ne utew venar heeyan.

Ruma 8:15

Su is Wag̵as he Mulin-ulin he imbeg̵ey kenitew te Megbevayà, ne wazè kiw zin himuwa he menge uripen he utew egkengehandek te Megbevayà, kekenà, midhimu kiw zin he menge anak te Megbevayà. Ne pinaag̵i te g̵ehem te Wag̵as he Mulin-ulin egkehimu en he egkeamey tew is Megbevayà.

Ruma 8:7

Emun ebeyveyaan is isip te etew te menge mezaat he kebayà te lawa zin, kuntada sikandin te Megbevayà su kenè din edtumanen is menge sug̵ù te Megbevayà. Ne kenà duen dà taman su kenà egkehimu he egketuman din.

2 Timoteo 1:7

Su is Mulin-ulin he impeulin kenita te Megbevayà, kenè ta igketalew, kekenà, edlig-enan ki zin wey ebeg̵ayan ki zin te zesen su wey mehimu he ebmahalen ta is menge zuma ta wey edtengkaan ta is langun he ed-ul-ulahan ta.

Santiago 2:10

Su minsan ke sevaha zà duen te menge sug̵ù te kesug̵uan is egkesupak te etew, ed-isipen gihapun te Megbevayà he mesinupaken sikandin he iring te nesupak din is langun he menge sug̵ù.

1 Juan 4:18

Ne is minsan hentei he ebmahalen te Megbevayà, wazà kinahanglan he egkehandek sikandin te Megbevayà. Ne g̵eina te wazà kurang te kebmahala kenitew te Megbevayà in-awè din en is kegkehandek tew kandin. Umba egkehandek is etew su egkeperateng din is silut kandin te Megbevayà, iyan, sikan is etew he egkehandek te Megbevayà, wazè pa meheg̵et diyà te isip din is kebmahala kandin te Megbevayà.

Hudas 1:15

su edsusiyen din is nengeulaula te minsan hentei he etew. Edsilutan din is minsan hentei he lalung he wazè dan kedtahud te Megbevayà tenged te menge kelelalung he mid-ulaula zan wey tenged te kedsumpelita zan te Megbevayà.”