Lucas 19:14 - Manobo Western Bukidnon

¹⁴ Iyan, is menge meg̵inged dutun te inged te prinsipi, ne ingkeepes dan sikandin, ne hein migenat en, duen midsug̵ù dan he ibpetelukun kandin wey zan ikepesayud is lavew he hadì dutun te ebeyaan te prinsipi he kenè dan igkesuat he iyan mekehadì kandan haazà is prinsipi.

Lucas 19:14 Cross References

Lucas 14:32

Ne emun egkevelansi zin he kenà ebpekesukul is menge sundaru zin, ne meupiya pa ke edsug̵uen din is menge sulug̵uen din dutun te kuntada zin te meziyù pa is menge sundaru te kuntada zin su wey zan mebpehusayà te wazè pa mekevulug mekedtebek is menge sundaru zan.

Lucas 19:13

Ne hein meg̵aan en sikandin edhipanew pehendiyà te sengeg̵inhedian, mid-umew zin is sepulù te menge sulug̵uen din ne kada sevaha zutun, mibeg̵ayan din te selapì. Ne neked-iiring is kezekelà te selapì he imbeg̵ey zin te kada sevaha. Ne migkag̵i sikandin diyà te kandan te, ‘Heini ve is selapì he ibpiyal ku keniyu, ne iyan kew en metau te ked-iseg din kedekelà taman te kenè e pa ebpekeulì dini,’ ke sikandin.

Lucas 19:15

Ne minsan pa zutun nehimu g̵ihapun he hadì haazà is prinsipi ne zutun te kebpekeulì din ne segugunè din mid-umew sikan is sepulù he impetipig din te selapì su ed-ahaan din ke sengemenu is uswag te selapì te kada sevaha.

Lucas 19:27

Ne mid-uman megkag̵i haazà is hadì te, ‘Ne sikan is menge etew he kenè dan egkesuat he iyan a mekehadì kandan, ne uwita niw zini ne penhimetayi niw sikandan dini te etuvangan ku.’ ”

Juan 1:11

Minsan te ziyà sikandin mekeuma te keugelingen din he menge inged, wazà utew zutun te menge zuma zin midawat kandin.

Juan 15:18

Emun egkuntedahan kew te menge etew zini te kelibutan he kuntada te Megbevayà, kenè kew meinuinu su zaan e zan he egkuntedahan.