Lucas 19:10 - Manobo Western Bukidnon

¹⁰ Ne siak is Kakey te Menusiyà, iyan inhendini ku te kelibutan su wey ku melibri te silut is langun he nemekesuwey te hustu he ibayà.”

Lucas 19:10 Cross References

Mateo 1:21

Maama is id-anak din ne ngezani nu ki Jesus, he ke và dà egkeg̵iya, Menluluwas, su iyan sikandin edlibri te menge etew he edsunud kandin wey kenè en sikandan siluti tenged te menge salè dan.”

Mateo 10:6

Diyè kew zà penudtul te menge zuma tew he kevuwazan ni Israyil. Iring sikandan te menge kerehidu he nengetazin.

Mateo 15:24

Ne zutun migkeg̵iyan ni Jesus haazà is bahi te, “Midsug̵ù a te Megbevayà he iyan dà ibpetevangan kedì is kevuwazan ni Israyil he nengetazin iring te kerehidu.”

Mateo 18:10

Ne is menge etew he iring kayi te menge vatà, kenè niw lupig̵i is minsan sevaha kandan su venar is egkeg̵iyen ku keniyu he is menge velinsug̵uen te Megbevayà he ebantey kandan, kenà ed-awà diyà te etuvangan te Amey ku he Megbevayà he ziyà te langit.

Mateo 18:11

Su siak is Kakey te Menusiyà, iyan impekehendini ku te kelibutan su wey ku melibri is menusiyà wey kenà sikandan mesiluti tenged te menge salè dan.

Lucas 15:32

Ne kenè ta egkeeg̵en is kelipey ta, su heini is hazi nu, ne iring sikandin te minatey, ne g̵untaan neuyag̵an en. Netazin sikandin, ne g̵untaan neturedu en.’ ”

Lucas 15:8

Ne zuen pa maan sempità he impezineg ni Jesus kandan. Ke sikandin te, “Duen sevaha he vahi he midtipig te sepulù he elad he selapì he mahal su pudu pelata. Hengkey is ed-ul-ulahan din ke egketezinan haazà te sengeelad? Iyan ed-ul-ulahan din is edhuna edtemtem te sulù. Ne ebpeyupasan din is baley zin, ne ebpurungan din te ebpen-ahà taman te egkeehè din.

Juan 3:17

Is Megbevayà, wazè e zin is Anak din sug̵ua zini te kelibutan te kedsilut te menusiyà, kekenà, su wey pinaag̵i kedì melibri is menusiyà.

Ruma 5:6

Isipa nu is gag̵ew kenita te Megbevayà. Su zutun te timpu he intelaan te Megbevayà, hein wazà minsan hengkey he egkeulaula ta he ebpekehimu he melibri ki te silut, mibpehimatey si Kristu he elili kenita te mesinupaken.

Hibriyuhanen 7:25

Ne tenged kayi, egkehimu te minsan keenu he timpu he edlibriyen din te silut is minsan hentei he menge etew emun pinaag̵i kandin ed-aput sikandan diyà te Megbevayà su wazà pidtemanan te untung din, ne layun din egkehimu te edtavang sikandan diyà te etuvangan te Megbevayà.