Lucas 17:30 - Manobo Western Bukidnon

³⁰ Iring ded dutun keg̵aan is kegketik-ew te kedlikù ku te Kakey te Menusiyà keuzemà.

Lucas 17:30 Cross References

Mateo 16:27

Su Siak is Kakey te Menusiyà, imbanglis kedì he mekelikù a keuzemà he edumahan te menge velinsug̵uen ku wey edsun-uzan ad te mekeg̵eg̵ehem he anlag te Amey ku he Megbevayà. Ne zutun edsuhulan ku is langun he menge etew sumalà is mid-ulaula te uman sevaha.

Mateo 24:3

Ne netegteg̵aad dutun mibpinuu si Jesus diyà te vuvungan he egngezanan te Ulivuwan. Ne mid-uvayan en maan sikandin te menge sumusundan din te wazè dan duma su iyan dan dà. Ne ke sikandan te, “Keg̵iyi key ke keenu egkehitavù heini is langun, wey ke hengkey is egkeulaula he tuus wey zey metueni he iyan en kedlikù nu wey kegketapus kayi te timpu?”

Mateo 24:37

Ne siak is Kakey te Menusiyà, keuzemà te timpu te kedlikù ku zini te kelibutan, ebpekeiring is menge ulaula te menge etew zutun duen te menge ulaula zengan te menge etew zuen te timpu ni Noe.

Mateo 24:39

Ne wazà diyà te isip te menge etew sikan is egkehitavù kandan taman te midlapey is dag̵at ne nengelened sikandan. Ne iring ded dutun keg̵aan is kegketik-ew te kedlikù ku te Kakey te Menusiyà keuzemà.

Mateo 26:64

Ne midtavak si Jesus te, “Iyan heeyan sumalà is migkag̵i nu ne ekeg̵iyan ku sikiyu is langun he siak is Kakey te Menusiyà, keuzemà egkeahà a keniyu is diyà ebpinuu te zapit te egkekewanan te Megbevayà. Ne egkeahà a zaan keniyu ziyà te menge g̵apun is ebulus he ebpuun diyà te langit,” ke sikandin.

Marcos 13:26

Ne zutun, siak is Kakey te Menusiyà, egkeahà a ziyà te menge g̵apun is ebpekeuma he utew zekelà is gehem ku wey utew merayag is ked-anlag ku.

Lucas 17:24

Su is kedlikù ku, ne iring te kilat he ebpeketayew te tivuuk he tanà, ne egkeahà te minsan hentei.

Lucas 17:29

Ne haazà he andew te ked-awà ni Lut dutun te inged din he egngezanan te Suduma, is langun he menge etew he meg̵inged dutun, ne nelimas te hapuy wey esupri he mid-ulug te Megbevayà ebpuun te langit.

Lucas 21:22

Su iyan en haazà sikan is timpu he netagnà dengan he zutun edsilutan te Megbevayà is menge kuntada zin he etew. Ne insurat heini zuen te ebpemeneuven dengan te Megbevayà.

Lucas 21:27

Ne zutun, siak is Kakey te Menusiyà, egkeahà a ziyà te menge g̵apun is ebpekeuma he utew zekelà is gehem ku wey utew merayag is ked-anlag ku.

1 Kurintu 1:7

Ne tenged kayi imbeg̵ey en daan keniyu te Wag̵as he Mulin-ulin is minsan hengkey he ketau he egkinehenglanen niw kayi te kedtag̵ad niw te ked-uman kebulus te Nengazen tew he si Jesu Kristu.

1 Kurintu 1:8

Iyan sikandin edlig-en keniyu taman te ketepusan he timpu su wey wazà igkesewayi keniyu zutun te andew keuzemà te kedlikù din.

Kulusas 3:4

Umba, menge suled, emun edlikù dini si Kristu he iyan puunà te veg̵u he untung ta, ibpeg̵awag̵awa is kekempet din ne ibpeg̵awag̵awa zaan dutun is kekempet te kenita he veg̵u he untung su zutun duma ki kandin.

2 Tiselunika 1:7

Ke ibpeg̵awag̵awa keuzemà is Nengazen tew he si Jesu Kristu he ebpuun te langit, id-awè din diyan te keniyu wey zini zaan te kenami is kemeresayan he egkeantus tew g̵untaan. Egkukumbalà sikandin te iring te regreg wey edumahan te menge mekeg̵eg̵ehem he menge velinsug̵uen din.

1 Pedro 1:13

Ne g̵eina te iyan haazà, kinahanglan he ed-andam ki wey ki mekepurung mekeisip-isip su wey ta layun mepurungi is kedsunud ta te Nengazen. Kinahanglan he iyan dekelà diyà te g̵ehinawa ta is kebperateng ta te utew meupiya he ibeg̵ey te Megbevayà kenita keuzemà dutun te andew te kebpeg̵awag̵awa ni Jesu Kristu.

1 Pedro 1:7

Is kedtuu niw, ne iring te vulawan su egezaman is bulawan pinaag̵i te hapuy su wey ikepaahà ke tutuu ve. Umba idtug̵ut te Megbevayà he mekeantus kew te merasey su wey pinaag̵i te kemeresayan meg̵ezami is kedtuu niw ke tutuu ve wey ke kenà. Mahal pa is kedtuu niw kenà is bulawan su melemu egkezeeti is bulawan. Ne emun tutuu is kedtuu niw, edelig̵en kew, ebentug̵en kew, wey edtehuzen kew keuzemà emun ibpeg̵awag̵awa en si Jesu Kristu.

1 Pedro 4:13

Kenè kew meinuinu, kekenà, lipey kew utew su pinaag̵i kayi ebpekeambit kew te menge kemeresayan he naantus ni Kristu ne tenged dutun utew kew zaan egkelipey keuzemà ke ibpezayag din kenitew haazà is bulawan he ed-ulian.

1 Juan 2:28

Ne tenged kayi te langun, menge anak ku, hemeni niw is kebpekidsevaha niw ki Kristu su wey kenè kew mahandek ne kenè kew egkeeled keuzemà dutun te kedlikù din.

1 Juan 3:2

Menge minahal ku he menge emig̵u, menge anak kiw en te Megbevayà ne kenè tew pa egketuenan ke hengkey is egketemanan te kegkeenaka kenitew te Megbevayà. Iyan, netuenan tew he ke edlikù si Kristu, egkehimu zutun is kenitew he zagwey he iring te kandin he zagwey su zutun egkeehè tew human is tutuu he zagwey zin.

Impezayag 1:7

Ebpekeuma si Jesu Kristu he ziyà egkeahà te menge g̵apun. Egkeahà sikandin te tivuuk he menusiyà ragkes is menge etew he mibpilak kandin dengan. Ne is langun he kelasi te menusiyà dini te kelibutan, ebpekesineg̵ew zan tenged kandin su egkehandek dan te silut. Metuman heini is langun.