Lucas 17:26 - Manobo Western Bukidnon

²⁶ Ne keuzemà te timpu te kedlikù ku zini te kelibutan, ebpekeiring is menge ulaula te menge etew zutun duen te menge ulaula zengan te menge etew zuen te timpu ni Noe.

Lucas 17:26 Cross References

Lucas 17:22

Ne migkag̵i si Jesus diyà te menge sumusundan din te, “Egkeuma is andew he utew zekelà pezem diyà te g̵ehinawa niw he meg̵aan metuman is timpu te kedlikù ku te Kakey te Menusiyà, iyan, kenè pa egkehitavù.

Lucas 17:24

Su is kedlikù ku, ne iring te kilat he ebpeketayew te tivuuk he tanà, ne egkeahà te minsan hentei.

Lucas 17:27

Su zengan te keazen pa ni Noe, iyan dà neisip te menge etew is kegkebibu ne migkaan dan ne mid-inum dan ne mibpees-eseweey zan taman te midseled ensi Noe zuen te utew zekelà he avang he egngezanan te arka ne hein midlapey is dag̵at nengelened maamin haazà is menge etew.

Lucas 17:7

Ne migkag̵i en maan si Jesus te, “Penenglitan, ke zuen sulug̵uen te sevaha keniyu ne iyan baal zin is ed-eradu ne emun kenà ne ed-elima te menge ayam nu. Ne emun sikan pa ed-ulì te mahapun, kenà egkehimu he egkeg̵iyan nu te, ‘Huna ka kaan ne human a.’

Lucas 18:8

Egkeg̵iyen ku keniyu he utew meg̵aan is kedtevangi zin keniyu. Kenà ebungasen is Megbevayà he edtavang keniyu. Iyan, keuzemà emun edlikù a is Kakey te Menusiyà dini te kelibutan mezelag dà is etew zutun he neketuu kedì.”

Hibriyuhanen 11:7

Ne zuen daan kedtuu ni Noe su hein midleg̵uyan sikandin te Megbevayà te limas he egkehitavù, midtuuwan din, minsan te wazè din pa maahà haazà is limas. Ne mibeelan din is dekelà he avang he egngezanan te arka ne hein midlapey is dag̵at, nelibri sikandin wey is pemilya zin ne wazè dan melened. Ne pinaag̵i zutun te kedtuu zin, impesavut din he zait he edlimasen te Megbevayà is tivuuk he mekesesalà he menusiyà. Ne zutun mid-isip sikandin te Megbevayà he metazeng tenged te midtuuwan din is migkag̵i te Megbevayà.

2 Pedro 2:5

Wazà daan pesegdana te Megbevayà is tivuuk he menusiyà dengan su impelapey zin is dag̵at ne nengelened is langun he wazè dan kedtahud kandin. Iyan dà midlibri zin si Noe he nekepenurù te metazeng he ulaula wey zuen pa pitu he etew he midlibri zin daan.

2 Pedro 3:6

Ne pinaag̵i zaan te wahig, midlimas dengan te Megbevayà is tivuuk he menusiyà dini te lumpad.