Lucas 17:18 - Manobo Western Bukidnon

¹⁸ Maan is iyan ke zà is tigSemarya midlikù he edalig te Megbevayà?”

Lucas 17:18 Cross References

Mateo 19:30

Iyan, mezakel is menge etew g̵untaan he henduen be te zekelà is pid-etawan dan, iyan, utew minus is pid-etawan dan keuzemà. Ne mezakel zaan is etew g̵untaan he utew minus is pid-etawan dan, iyan, keuzemà, utew zekelà is pid-etawan dan,” ke sikandin.

Mateo 20:16

Ne migkag̵i si Jesus te, “Is egkengehuziyan guntaan ne iyan egkengehuna keuzemà, ne sikan is egkengehuna g̵untaan ne iyan maan egkengehuziyan keuzemà.”

Mateo 8:10

Ne te nezineg ni Jesus heini, ne utew neinuinu ne ke sikandin diyà te menge etew he nemenduma kandin te, “Wazè ku pa meuma is etew he kevuwazan ni Israyil he iring kayi he utew mezesen is kedtuu zin.

Mateo 8:12

Iyan, mezakel zaan he kevuwazan ni Israyil he midteg̵enahan pezem te Megbevayà te ginhedian din, iyan, igketimbag sikandan diyà te merusirem he utew meziyù te ed-ubpaan te Megbevayà. Ne ebpemekekulahì dan is ebpemekengingitel he utew zan ebpemekedsendit.”

Mateo 9:8

Hein naahà heini te menge etew zutun, nengehandek dan ne midalig dan is Megbevayà tenged te mibeg̵ayan din is menusiyà te keg̵ehem he iring kayi.

Lucas 17:17

Ne migkag̵i si Jesus diyà te kandin te, “Kenè be sepulù kew man is nengeulian? Maan is wazà mekelikù is siyew he menge zuma nu?

Impezayag 14:7

Ne mibpekezag̵ing is egkag̵i te, “Tehuza niw is Megbevayà wey ventug̵a sikandin su neuma en is timpu te kedsusi zin te menge ulaula te tivuuk he menusiyà! Ezapa niw is Megbevayà he iyan nenlimbag te langit wey tanà wey zag̵at wey menge puunà te wahig!”