Lucas 17:15 - Manobo Western Bukidnon

¹⁵ Ne is sevaha zutun, hein neehè din he wazè en it-it din, midlikù diyà te ki Jesus is ebpempemensag is edalig te Megbevayà.

Lucas 17:15 Cross References

Mateo 9:8

Hein naahà heini te menge etew zutun, nengehandek dan ne midalig dan is Megbevayà tenged te mibeg̵ayan din is menusiyà te keg̵ehem he iring kayi.

Marcos 2:12

Ne zutun, haazà is etew, mid-enew sikandin ne migkuwa zin haazà is duyanè din ne midlawang puun dutun te valey ne naahà haazà te langun he menge etew zutun. Ne is menge etew, hein neehè dan haazà ne utew zan nengeinuinu ne midalig dan is Megbevayà. Ne ke sikandan te, “Wazè tew pa keenu maahà is iring kayi!”

Juan 5:14

Ne netegteg̵aad dutun naahà sikandin ni Jesus diyà te simbahan he egngezanan te Valey te Megbevayà, ne migkeg̵iyan ni Jesus te, “Meupiya su neulian ke en; iniyug̵i nu en is menge mezaat he ulaula nu su wey kenè nu meeg̵iyi is tuwas pa he mezaat.”

Juan 9:38

Ne egkag̵i haazà is etew te, “Emun iyan heeyan, edtuuwan ku sikew.” Ne zutun mid-azap din si Jesus.