Lucas 16:8 - Manobo Western Bukidnon

⁸ Ne zutun,” ke si Jesus, “hein nezineg haazà dutun te egalen din ke hengkey is mid-ulaula zutun te sulug̵uen din, ne nekekag̵i te, ‘Hey, utew metau sikandin su ebpeneg̵ane en sikandin he zaan te keuyag̵an din keuzemà.’ ” Ne ke si Jesus te, “Is menge etew he kenà ebpemineg te menge lalag te Megbevayà, utew metau te paag̵i te kegkezeyzey zan. Iyan, is menge etew he sakup te Megbevayà, kenè dan bes mulà utew metau te paag̵i wey mezeyzey sikandan keuzemà diyà te langit.

Lucas 16:8 Cross References

Mateo 12:32

Sikan is edsumpalit kedì te Kakey te Menusiyà, egkepesaylu pa; iyan, sikan is edsumpalit te Wag̵as he Mulin-ulin, kenè en egkepesaylu te wazè din pidtemanan.

Mateo 17:26

Ne ke si Jesus te, “Ne emun iyan heeyan, ne kenè en ebpekevayad is menge mesipeg te hadì. Ne sikita is mesipeg diyà te Megbevayà, kenà daan kinahanglan he ebeyazan ta is ebpeveyazan te valey zin.

Lucas 16:10

Benar is egkeg̵iyen ku keniyu he emun egkeserig̵an ka te zeisek he azen, egkeserig̵an ka zaan te zekelà he azen. Ne emun limbungan ka te minsan deisek dà, ne wey ke pe be kenà medlimbung duen te zekelè en he ebpeg̵ewezan kenikew.

Lucas 16:4

A,’ ke sikandin, ‘iyan heini ed-ul-ulahan ku su wey zuen duma ku he egkepeveyaan ku ke egkeawè e en kayi te terebahu ku.’

Lucas 16:7

Ne nekeuma is sevaha zutun. Ne mid-insaan dutun te sulug̵uen ke pira is kandin he utang, ne midtavak sikandin te nengkelibu he vinevey he trigu. Ne migkeg̵iyan sikandin te sulug̵uen te, ‘Heini zed is listahan te utang nu. Pinuu ka kayi ne ilisi nu te walu he g̵atus dà he vinevey.’

Lucas 18:6

Ne ke si Jesus te, “Isipa niw is mid-ulaula zutun te huwis he kenà pezem metazeng is kedhusey zin.

Lucas 20:34

Ne migkag̵i si Jesus te, “Is menge etew kayi te kelibutan, ne ebpees-eseweey,

Lucas 20:35

iyan, haazà is menge etew he ed-isipen te Megbevayà he zait he ebenhawen he ibpeubpà diyà te langit, kenè dan mulà keuzemà diyà te langit ebpees-eseweey.

Juan 12:36

Siak is kerayag. Te kemulu e pa zini te keniyu, sarig kew kediey te kerayag su wey layun meteyawi is isip niw.” Ne zutun te nekag̵i ni Jesus haazà, mid-ewaan din haazà is mezakel he menge etew ne mid-eles sikandin.

1 Kurintu 3:18

Kinahanglan he kenè kew mebpetazin te menge ulaula niw su ke zuen sevaha keniyu he ed-isipen din he zuen ketau zin te ked-isip sumalà is ked-isipa kandin te zuma zin he menusiyà, deyzey ke ed-engkezan din is kandin he ketau wey sikandin mehimu he etew he kenà metau sumalà is ked-isipa kandin te menge etew. Ne human egkehimu sikandin he metau iyan he venar.

Ipisu 5:8

Su zengan utew merusirem is ibayè niw, iyan, guntaan neteyawan is ibayè niw su nehimu kew en he menge sakup te Nengazen. Ne tenged kayi, kinahanglan he zait is ulaula niw te ked-ikula niw te merayag he ibayà.

Pilipus 3:19

Siguradu egkeimpirnu sikandan su iyan ebayàbayà kandan is menge mezaat he kebayà te lawa zan. Ibmeupiya te g̵ehinawa zan is menge mezaat he ulaula, iyan, meupiya pezem ke igkeeled dan; ne iyan dan dà egkeisip is menge vutang he zini te kelibutan.

1 Tiselunika 5:5

Su sakup kew mulà te merayag wey te maandew, he ke và dà egkeg̵iya, sakup kew te Megbevayà. Su sikitew, wazè tew kelavet te merusirem wey kezukileman.

1 Pedro 2:9

Iyan, sikitew mulà, pinilì kiw zin. Menge memumuhat kiw te mibpilì he hadì he iyan si Kristu. Iyan kiw menge sakup din; iyan kiw menge g̵aked din he etew. Umba mibpilì kiw zin su wey tew mesangyew is tudtul te utew egkein-inuwan he menge vaal zin. Iyan sikandin nengelintau wey kiw meketuu wey kiw maawà dutun te kerusireman. Ne g̵untaan edteyawan kiw zin, he ke và dà egkeg̵iya, utew en meupiya is kedtuvazi zin kenitew.

1 Juan 3:10

Ne ke zuen etew he kenà metazeng is menge ulaula zin, tuus heini he kenà sikandin anak te Megbevayà. Ne kenà daan anak te Megbevayà is minsan hentei he kenè din ebmahalen is duma zin. Pinaag̵i kayi egketuusan ta ke hentei is menge anak te Megbevayà wey ke hentei is menge sakup ni Setanas.