Lucas 16:6 - Manobo Western Bukidnon

⁶ Ne midtavak haazà is mid-insaan te, ‘Nenggatus he lata te lana.’ Ne migkag̵i haazà is sulug̵uen te, ‘Heini zed is listahan te utang nu. Pinuu ka kayi ne is insurat nu kayi he utang nu ne ilisi nu te kelimahan dà he lata.’

Lucas 16:6 Cross References

Mateo 20:8

Ne hein mezukilem en migkeg̵iyan dutun te etew is sinerig̵an din te, ‘Umawa nu sikandan is ebpemenerebahu ne suhuli nu. Iyan nu hunai te edsuhul sikan is nengehuziyan, ne human sikan is nengehuna.’

Lucas 16:12

Ne emun kenè ka egkeserig̵an he ibpeg̵awed te menge azen te zuma, kenè ke en iyan ebeg̵ayan dutun te tutuu he azen he ziyà te langit.”

Lucas 16:5

Ne zutun midtawag din te tigselimbaha is langun he nekeutang dutun te egalen din. Ne ke sikandin diyà te nehuna te, ‘Pira is kenikew he utang diyà te egalen ku?’

Lucas 16:7

Ne nekeuma is sevaha zutun. Ne mid-insaan dutun te sulug̵uen ke pira is kandin he utang, ne midtavak sikandin te nengkelibu he vinevey he trigu. Ne migkeg̵iyan sikandin te sulug̵uen te, ‘Heini zed is listahan te utang nu. Pinuu ka kayi ne ilisi nu te walu he g̵atus dà he vinevey.’

Lucas 16:9

Umba,” ke si Jesus, “egkeg̵iyen ku keniyu he g̵emita niw is ketig̵eyunan niw zini te kelibutan wey metevangi is egkengeayuayu ne emun egkeuma haazà is timpu keuzemà he kenè niw en egkeg̵amit is menge azen niw, edsuhulan kew te Megbevayà diyà te langit.

Juan 2:6

Sumalà te tuluuwen te menge Hudiyu, kinahanglan he zuen wahig he ibpenlùlù te kenè dan pa egkaan. Ne tenged kayi zuen neteg̵ana zutun he heenem he umuy he vatu. Egketeg̵uan is kada sevaha zutun te menge nenggatus he litru he wahig.

Tito 2:10

ne kenè dan mebpenakew, kekenà, ipeehè dan he egkeserig̵an sikandan te egalen dan. Emun iyan haazà ulaula te menge sulug̵uen he tumutuu egkesavut te menge etew he utew tutuu is tuluuwen he ibpenurù ta mehitenged te Megbevayà he iyan menluluwas tew.