Lucas 16:4 - Manobo Western Bukidnon

⁴ A,’ ke sikandin, ‘iyan heini ed-ul-ulahan ku su wey zuen duma ku he egkepeveyaan ku ke egkeawè e en kayi te terebahu ku.’

Lucas 16:4 Cross References

Lucas 16:3

Ne neisip dutun te sulug̵uen is, ‘Id-awè e ves kayi te terebahu ku. Hengkey is meupiya he ed-ul-ulahan ku? Su siak, ne kenè e en ebpekehimu he edterebahu te meveg̵at iring te kegkalut ne egkeeled a he ebpemumuyù te limus.

Lucas 16:5

Ne zutun midtawag din te tigselimbaha is langun he nekeutang dutun te egalen din. Ne ke sikandin diyà te nehuna te, ‘Pira is kenikew he utang diyà te egalen ku?’

Lucas 16:9

Umba,” ke si Jesus, “egkeg̵iyen ku keniyu he g̵emita niw is ketig̵eyunan niw zini te kelibutan wey metevangi is egkengeayuayu ne emun egkeuma haazà is timpu keuzemà he kenè niw en egkeg̵amit is menge azen niw, edsuhulan kew te Megbevayà diyà te langit.

Santiago 3:15

Kenà haazà sikan is ketau he ebpuun te Megbevayà, kekenà, dini zà ebpuun te kelibutan. Kenà iyan is ketau he ibeg̵ey te Wag̵as he Mulin-ulin, kekenà, ebpuun te mezaat he mulin-ulin.