Lucas 16:19 - Manobo Western Bukidnon

¹⁹ Ne mid-uman megkag̵i si Jesus te, “Duen sevaha he etew he sepian utew. Ne haazà is sepian, utew menge mahal he manggad is idsun-ud din. Ne kada andew ne iyan dà ibpekaan kandin is utew mahal wey metaam he egkeenen.

Lucas 16:19 Cross References

Marcos 15:17

Ne migkumbelaan dan sikandin te merig̵à he kumbalà su ebelvelayen dan sikandin he uvag kun hadì. Ne zutun mibengkulè dan te zug̵iyen he g̵awed ne insuup dan diyà te ulu zin.

Marcos 15:20

Ne hein nepezè dan en he ebaleyvaley kandin, midluwasan dan duen te kumbalà he merig̵à ne insun-ud dan kandin is daan he kumbalè din. Ne zutun mid-uwit dan sikandin pehendiyà te g̵awas dutun te inged su idransang dan te krus.

Lucas 15:13

Ne wazà utew meug̵et dutun ne imbelegyè en dutun te hazi is kandin he vahin ne midhipanew is ed-uwit te selapì din. Diyà sikandin medtandang te meziyù he inged ne zutun migastu zin is selapì din te wazà pulus.

Lucas 16:1

Ne impezineg en maan ni Jesus is menge sumusundan din te selakew pa maan he sempità. Ke sikandin te, “Duen sepian he etew he impezumala zin is sevaha he sulug̵uen din te menge ketig̵eyunan din. Ne zuen daan etew he midsumbung dutun te sepian he haazà is impezumala, ne ebpenggestuwen din is selapì dutun te egalen din.

Lucas 16:18

Ne elin daan migkag̵i ni Jesus is, ke sikandin te, “Ke zuen maama he ebpengesawa te sengevevahi su mid-engkezan din is esawa zin, ebpekesalà sikandin dutun te mid-engkezan din he esawa. Ne ebpekesalà daan is maama he ebpengesawa zutun te vahi he mid-engkezan te esawa zin.”

Lucas 16:20

Ne zuen daan sevaha he etew he egkeayuayu he egngezanan ki Lazaro. Ne haazà si Lazaro, ne neeneb is lawa zin te vekukang. Ne kada andew zutun ne idhated sikandin te menge zuma zin dutun te vunsuzan te valey zutun te sepian

Impezayag 17:4

Ne haazà is bahi, ne midsun-uzan te utew mahal su merig̵à wey merudtem he manggad. Ne mideyzeyanan is lawa zin te vulawan wey menge mahal he vatu wey menge pirlas. Ne zutun te velad din is bulawan he tasa he nepenù te vinu he iyan is menge memahawag wey memeremerik he ulaula zin dutun te kebpelelevag din.

Impezayag 18:16

Ne ke sikandan te, “Kenug̵un utew te zekelà he inged! Is menge meg̵inged dutun, ne nebistiyan te mahal he manggad he meputì wey merig̵à wey merudtem. Ne mideyzeyanan dan is lawa zan te vulawan wey menge mahal he vatu wey pirlas.

Impezayag 18:7

Utew subra is kebpurungi zin te kebpekesavuk din ne g̵untaan iyan bales kandin is kegkeseeng wey is merasey he kebpekesavuk. Su kenà sikandin ed-engked he ebpegalbu, ke sikandin diyà te isip din te, ‘Bai a ne kenà a valu. Kenà egkehimu he egkeumahan a te kemereg̵enan.’