Lucas 16:1 - Manobo Western Bukidnon

¹ Ne impezineg en maan ni Jesus is menge sumusundan din te selakew pa maan he sempità. Ke sikandin te, “Duen sepian he etew he impezumala zin is sevaha he sulug̵uen din te menge ketig̵eyunan din. Ne zuen daan etew he midsumbung dutun te sepian he haazà is impezumala, ne ebpenggestuwen din is selapì dutun te egalen din.

Lucas 16:1 Cross References

Mateo 20:8

Ne hein mezukilem en migkeg̵iyan dutun te etew is sinerig̵an din te, ‘Umawa nu sikandan is ebpemenerebahu ne suhuli nu. Iyan nu hunai te edsuhul sikan is nengehuziyan, ne human sikan is nengehuna.’

Lucas 12:42

Ne midtavak is Nengazen te, “Sikan is sulug̵uen he uluwanen wey metinumanen, iyan ibpevayàbayà te egalen din te menge zuma zin he sulug̵uen. Ne iyan ebpekaan te menge zuma zin he sulug̵uen dutun te uras te kegkaan.

Lucas 15:13

Ne wazà utew meug̵et dutun ne imbelegyè en dutun te hazi is kandin he vahin ne midhipanew is ed-uwit te selapì din. Diyà sikandin medtandang te meziyù he inged ne zutun migastu zin is selapì din te wazà pulus.

Lucas 15:30

Iyan, heini is anak nu he nekelaga te menge azen nu tenged te kebpengumpadi zin te menge vahi, ne iyan nu mulà midlepaan te impelambù nu he nati!’

Lucas 16:19

Ne mid-uman megkag̵i si Jesus te, “Duen sevaha he etew he sepian utew. Ne haazà is sepian, utew menge mahal he manggad is idsun-ud din. Ne kada andew ne iyan dà ibpekaan kandin is utew mahal wey metaam he egkeenen.

Lucas 16:2

Ne hein nezineg haazà dutun te sepian, ne midtawag din haazà is sulug̵uen din ne migkeg̵iyan din te, ‘Tutuu heini is sumbung mehitenged kenikew. Iulì nu kediey is langun he insarig ku kenikew su kenè en egkehimu he iyan ka ibpezumala kayi te menge ketig̵eyunan ku.’

Lucas 19:20

Ne zutun mid-uvey haazà is iketelu he sulug̵uen ne ke sikandin te, ‘Heini zed sikan is selapì nu he impiyal nu kedì. Midtegteg̵aman ku tengesa ne intag̵ù ku

Lucas 8:3

Ne elin daan dutun te menge vahi si Juana he esawa ni Kusa. Si Kusa, ne sinerig̵an ni Hadì Hirudis. Ne zutun daan si Susana wey mezakel pa he menge zuma he vahi he nemenduma su midtevangan dan ensi Jesus pinaag̵i te menge ketig̵eyunan dan.

Tito 1:7

Ne g̵eina te insarig kandin te Megbevayà is kedumala te menge tumutuu, kinahanglan he wazà supak din. Kenà sikandin mebmandarmandar zà; kenà sikandin eengeren. Kinahanglan he kenà sikandin lelenguten, kenà sikandin ebpemeg̵espeg̵es ne kenà iyan dekelà diyà te g̵ehinawa zin is selapì.

Santiago 4:3

Ne minsan ke ebuyuen niw ziyà te kandin, kenè din ibeg̵ey su mezaat is tuyù niw te kebuyua niw kayi. Iyan ketezengan te kebuyù niw is wey niw metuman is mezaat he kebayè niw.

1 Pedro 4:10

Is minsan hengkey he ketau he imbeg̵ey te Megbevayà diyà te kada sevaha keniyu, kinahanglan he g̵emita zin wey metevangi is menge zuma zin he tumutuu su wey hustu is kegemita niw te minsan hengkey he intavang keniyu te Megbevayà.