Lucas 15:5 - Manobo Western Bukidnon

⁵ Ne emun egketuredu zin ne utew sikandin egkelipey. Ne edsepipiyen din haazà su ed-ulì.

Lucas 15:5 Cross References

Lucas 15:32

Ne kenè ta egkeeg̵en is kelipey ta, su heini is hazi nu, ne iring sikandin te minatey, ne g̵untaan neuyag̵an en. Netazin sikandin, ne g̵untaan neturedu en.’ ”

Lucas 15:4

“Penenglitan, is sevaha keniyu ke zuen din nenggatus he ayam he kerehidu, ne netazin is sevaha zutun, hengkey is ed-ul-ulahan din? Siguradu egkeewaan din haazà is kesiyawan wey siyew he ebpemenabtab su ebpengahaan din haazà is sevaha he netazin taman te egketuredu zin.

Lucas 15:6

Ne ke ebpekeuma sikandin diyà te valey zin ne ebpenewag̵en din is menge zuma zin wey menge siringan din ne ke sikandin te, ‘Edlipey kiw en su neehè ku zed heini is netazin he kerehidu ku.’ ”

Lucas 19:9

Ne migkag̵i si Jesus diyà te kandin te, “Sikew wey menge zuma nu zini te valey, edlibriyen kew g̵untaan te Megbevayà te silut tenged te menge salè niw su mid-iringan niw g̵untaan is kepuun niw he si Abraham su midtuu kew te Megbevayà.

Lucas 23:43

Ne migkag̵i si Jesus diyà te kandin te, “Benar heini is egkeg̵iyen ku kenikew he g̵untaan dà ebpezumehè ki zutun te inged te edtulusen.”

Juan 15:11

Umba migkag̵i ku keniyu heini is langun su wey niw ikelipey is kediey he kelipey ne wey kew utew melipey.

Ipisu 2:10

Su is kedlimbag̵a kenita he veg̵u, ne iyan baal te Megbevayà. Pinaag̵i te kebpekidsevaha ta ki Jesus midlimbag ki zin su wey ta meulaula is meupiya he midteg̵ana zin en he zaan wey ta meveeli.

Ipisu 3:7

Nehimu a he sulug̵uen te Megbevayà te kedsengyawa te Meupiya he Tudtulanen. Tenged dà te g̵ag̵ew zin kediey wey pinaag̵i te g̵ehem din imbeg̵ey zin kediey heini is ketengdanan.

1 Tiselunika 1:5

su impesavut dey keniyu is Meupiya he Tudtulanen, kenà pinaag̵i te lalag dey zà, kekenà, pinaag̵i te g̵ehem te Wag̵as he Mulin-ulin. Midheg̵et te Megbevayà dutun is kedsevuta zey kayi. Ne netuenan niw zaan ke hengkey is menge ulaula zey he meupiya wey kew mezeyzey hein diyan key te keniyu.

2 Timoteo 2:26

Ne pinaag̵i zutun human ebmetandang is ked-isipa zan te langun, ne human dan egkepeleg̵uyi is gehem ni Setanas su iyan si Setanas nekezakep kandan wey zan metuman is egkesuatan din.

Hibriyuhanen 12:2

Edhemenan ta is kedsarig ta ki Jesus su iyan sikandin puunà te kedtuu ta ne pinaag̵i zaan kandin egkeheg̵et is kedtuu ta. Mid-antus din is kedrensanga kandin dutun te krus. Ne wazè din ikeeled haazà is kedhimetayi kandin, kekenà, mid-isip din he utew zin igkelipey is egkeulaula zin emun egkeipus haazà is ked-antus din. Ne g̵untaan mibpinuu en sikandin dutun te utew lavew he pinuuwà su ziyà te zapit te egkekewanan te Megbevayà.

1 Pedro 1:5

Kenitew en haazà is integ̵ana zin. Tenged te nekesarig kiw kandin, nelig-enan kiw te g̵ehem te Megbevayà te kemulu kiw pa edtag̵ad te kedtulusa zin kenitew keuzemà te ketepusan he timpu.