Lucas 15:4 - Manobo Western Bukidnon

⁴ “Penenglitan, is sevaha keniyu ke zuen din nenggatus he ayam he kerehidu, ne netazin is sevaha zutun, hengkey is ed-ul-ulahan din? Siguradu egkeewaan din haazà is kesiyawan wey siyew he ebpemenabtab su ebpengahaan din haazà is sevaha he netazin taman te egketuredu zin.

Lucas 15:4 Cross References

Mateo 12:11

Ne midtavak si Jesus te, “Ke zuen kerehidu te minsan hentei kenitew ne egkeulug diyà te vitu te Andew te Kedhimeley, kenà egkehimu he kenè din igaun puun dutun te vitu minsan ke Andew te Kedhimeley.

Lucas 13:15

Ne midtavak kandin si Jesus te, “Tarù is menge ulaula niw! Ke zuen baka ne emun kenà ne kudà te minsan hentei keniyu, kenà egkehimu he kenè din edhekazan haazà emun Andew te Kedhimeley, kekenà, edhekazan din ne edtuyuken din pehendiyà te wahig su ibpeinum din.

Lucas 15:3

Ne zutun impezineg ni Jesus kandan heini is sempità, ke sikandin te,

Lucas 19:10

Ne siak is Kakey te Menusiyà, iyan inhendini ku te kelibutan su wey ku melibri te silut is langun he nemekesuwey te hustu he ibayà.”

Ruma 2:1

Netuenan ta he utew metazeng is idsiluti te Megbevayà te menge etew he ed-ulaula te menge mezaat he iring kayi, iyan, sikew is egkag̵i he utew mezaat heini is menge ulaula kayi te menge etew, wazè nu zaan kebpekeg̵awas su edsudien nu is mezaat he ulaula te zuma, iyan, mezaat daan is ed-ul-ulahan nu. Ne tenged kayi zutun te kedsudia nu kandin, nesudì nu zaan is kenikew he ulaula.

1 Pedro 2:25

Iring kiw zengan te menge ayam he kerehidu he nengetazin, iyan, guntaan impeulì kiw en diyà te Megbevayà he iyan bekidu he metau he ebantey kenitew.