Lucas 15:32 - Manobo Western Bukidnon

³² Ne kenè ta egkeeg̵en is kelipey ta, su heini is hazi nu, ne iring sikandin te minatey, ne g̵untaan neuyag̵an en. Netazin sikandin, ne g̵untaan neturedu en.’ ”

Lucas 15:32 Cross References

Mateo 18:11

Su siak is Kakey te Menusiyà, iyan impekehendini ku te kelibutan su wey ku melibri is menusiyà wey kenà sikandan mesiluti tenged te menge salè dan.

Lucas 15:24

Su heini is anak ku, iring te minatey sikandin ne g̵untaan neuyag̵an. Netazin sikandin ne g̵untaan neturedu en.’ Ne zutun nebibu zan.

Lucas 15:31

‘Mama,’ egkag̵i haazà is amey zin, ‘sikew, dini ka mulà layun duma ku. Ne is langun he azen ku, ne kenikew. Ne iyan ka teg̵ig̵aked te langun.

Lucas 7:34

Ne siak is Kakey te Menusiyà, wazà a medsalang megkaan ne mid-inum a mulà te vinu ne nengeinuinu kew ne migkag̵i niw he vuleg̵uk a wey pereinum te vinu. Ne ke sikiyu te emig̵u a te menge lalung he etew iring te menunukut te vuhis wey menge mesinupaken.

Ruma 11:15

Su emun dutun te kedsuwayi te Megbevayà te menge Hudiyu, nehimu he nekidsevaha is Megbevayà te menge kenà Hudiyu, ne wey pe be kenà lavew pa he utew meupiya is idtuvad dutun te menge kenà Hudiyu ke ebpekid-uliey en maan is Megbevayà diyà te menge Hudiyu. Utew meupiya is egkeulaula zutun su zutun he timpu iring is tivuuk he menusiyà te minatey he nevanhew en!

Ruma 3:19

Ne netuenan ta he is ibpesavut kenita kayi te Lalag te Megbevayà, ne ibpesavut daan diyà te menge etew he nesakup te kesug̵uan he iyan key is menge Hudiyu. Ne pinaag̵i kayi egketuenan ta he wazà minsan hentei he etew he ebpekekag̵i he kenà sikandin dait he edsilutan su nekesupak te Megbevayà is tivuuk he menusiyà.

Ruma 3:4

Su minsan ke teruen is tivuuk he menusiyà, tutuu mulà is minsan hengkey he egkeg̵iyen te Megbevayà. Su zuen insurat dengan he lalag ni Hadì David te kedtistig̵usi zin te ketazeng te Megbevayà he edhenduen te, “Kenà egkehimu he kenà hustu is kenikew he ketezengan, su ke idsumbung ka, layun ebpekezaag is kenikew he ketezengan,” ke si David.