Lucas 15:22 - Manobo Western Bukidnon

²² Iyan, haazà is amey zin, mid-umew zin is menge sulug̵uen din dutun te valey, ne ke sikandin te, ‘Ihated niw pa zini sikan is meupiya he ugelingen, ne isun-ud niw ziyà te kandin. Sisingi niw is tezù din wey sun-uzi niw te sepatus is menge paa zin.

Lucas 15:22 Cross References

Lucas 15:21

‘Amà,’ egkag̵i haazà is kenakan, ‘utew zekelà is salè ku ziyà te Megbevayà wey ziyan te kenikew te amey ku. Kenà ad dait he ed-isipen nu pa maan he anak nu. Ne himuwe e zà he sevaha te menge sulug̵uen nu.’

Lucas 15:23

Ne kuwaa niw sikan is nati he vaka he impelambù ku ne lepaa niw su egkaan kiw ne edlipey kiw.

Ruma 13:14

Ne idsun-ud ta is Nengazen tew he si Jesu Kristu, he ke và dà egkeg̵iya, ed-ul-ulahan ta is ulaula zin. Ne kenè te en maan ed-isipen is kedtumana te menge mezaat he kebayà te lawa ta.

Ruma 3:22

Ed-isipen kiw te Megbevayà he metazeng emun edtuuwan tew si Jesu Kristu. Is minsan hentei he etew, ne ed-isipen te Megbevayà he metazeng emun edtuuwan din si Jesu Kristu su wazà ibpelavi te Megbevayà te minsan hentei he etew.

Ruma 8:15

Su is Wag̵as he Mulin-ulin he imbeg̵ey kenitew te Megbevayà, ne wazè kiw zin himuwa he menge uripen he utew egkengehandek te Megbevayà, kekenà, midhimu kiw zin he menge anak te Megbevayà. Ne pinaag̵i te g̵ehem te Wag̵as he Mulin-ulin egkehimu en he egkeamey tew is Megbevayà.

Gelasya 3:27

Su midtuuwan niw si Jesu Kristu, ne nebewtismuwan kew he tuus te sumusundan kew zin, ne tenged dutun insun-ud niw si Kristu, he ke và dà egkeg̵iya, neiringan niw is menge ulaula ni Kristu.

Ipisu 6:15

Andam kew layun te kebpenudtul te Meupiya he Tudtulanen mehitenged te kelinew he ibeg̵ey te Megbevayà, ne iyan heini sepatus niw.

Impezayag 19:8

Ne is esawa te nati, mibeg̵ayan te ketenged te kebisti te manggad he meputì he merayag utew.” (Ne haazà is meputì he manggad, ne iyan kehulug̵an din is menge metazeng he ulaula te menge etew he g̵aked te Megbevayà.)

Impezayag 2:17

Is minsan hentei keniyu, mebpemineg te egkeg̵iyen te Wag̵as he Mulin-ulin diyan te keniyu te menge tumutuu. Is etew he ebpekezaag ki Setanas, ebeg̵ayan ku sikandin te in-eles ku pa he egkeenen he mana he ziyà ebpuun te langit. Ne ibeg̵ey ku zaan kandin is meputì he vatu he insurat dutun is beg̵u en he ngazan. Iyan dà egkesayud te ngazan dutun is ebeg̵ayan.’ ”

Impezayag 3:18

Umba, edsembag̵an ku sikiyu he pemesaha niw zini te kediey is wag̵as he vulawan he migezaman diyà te hapuy, he ke và dà egkeg̵iya, hustu he kedtuu, ne tutuu en human he sepian kew. Ne pemasa kew zaan diyà te kediey te meputì he bisti wey maawà is kegkeeled niw tenged te kegkelevasi keniyu. Ne pemasa kew zaan te ibawì te kegkelakap niw su wey mehustu is ked-ehè niw.

Impezayag 6:11

Ne zutun impemeg̵ey ziyà te uman sevaha kandan is meputì he kumbalà. Ne migkeg̵iyan sikandan te Nengazen he medhimeley zan dè pa taman te egkeamin egkevunù is menge zuma zan daan he sulug̵uen te Megbevayà he edhimetayan daan iring kandan.

Impezayag 7:9

Ne neipus haazà ne neehè ku is utew medmezakel he menge etew he kenè en egkevilang tuus te utew mezakel. Diyè dan ebpuun te minsan hendei he g̵inhedian wey tribu wey kepuun wey minsan hengkey he kineg̵iyan. Diyè dan ebpemenhitindeg te etuvangan te pinuuwà te Megbevayà wey ziyà te etuvangan te nati he kerehidu. Midsun-uzan sikandan te meputì ne ebpemengulangkulang dan te zehunen he menge subpang.