Lucas 15:1 - Manobo Western Bukidnon

¹ Ne zutun he timpu, duen mezakel he menge mekesesalà he etew he menge menunukut te vuhis wey menge mesinupaken te kesug̵uan, ne nemenhendiyè dan te ki Jesus su ebpemineg̵en dan is penurù din.

Lucas 15:1 Cross References

Mateo 5:46

Kenè niw isipa he edsuhulan kew te Megbevayà ke iyan dà ebpurungan niw is ebpurung daan keniyu; su minsan is menge menunukut te vuhis he limbung is ulaula zan, ebpurungan dan daan is ebpurung kandan.

Lucas 13:30

Duen guntaan menge etew he kunaan niw ke egkengehuziyan su kenà menge zuma niw he Hudiyu, iyan, emun egkeume en haazà he andew ne iyan sikandan egkehuna te langun he edhedian te Megbavayà. Ne zuen daan menge etew g̵untaan he kunaan niw ke egkengehuna, iyan, emun egkeume en haazà he andew ne iyan sikandan egkengehuziyan te langun.”

Lucas 7:29

Ne hein nezineg heini is menge penurù ni Jesus te langun he menge etew zutun wey te menge mesinupaken he menge menunukut te vuhis, migkag̵i zan he utew hustu is menge ulaula te Megbevayà. Umba migkag̵i zan heini su iyan si Juan kes mibpemewtismu kandan.

Ruma 5:20

Ne umba imbeg̵ey te Megbevayà is kesug̵uan su wey med-iseg is kegketueni te menge etew te kezekelà te kedsupaka zan kandin. Ne zutun te mid-iseg mebmezakel is menge kedsupak, impeiseg ipezekelà te Megbevayà is gag̵ew zin te menge etew.

1 Timoteo 1:15

Duen erubasa he utew tutuu ne kinahanglan he tuuwi te minsan hentei; ne iyan is: “Midhendini si Jesu Kristu te kelibutan wey zin libriya te silut is menge mekesesalà.” Ne siak, iyan a tuwas he lalung te langun kandan.