Lucas 14:24 - Manobo Western Bukidnon

²⁴ Benar is egkeg̵iyen ku kenikew he haazà is nengehuna he mid-umbita ku, ne kenè dan ebpekekaan te minsan deisey zà kayi te g̵astu ku te keemuran!’ ”

Lucas 14:24 Cross References

Mateo 21:43

Umba,” ke si Jesus, “benar iyan he kenè kew en maan is menge Hudiyu edhedian te Megbevayà su iyan din edhedian is menge etew he edtuman te egkesuatan din.

Mateo 22:8

Ne midtig̵um te hadì is menge sulug̵uen din ne ke sikandin te, ‘Nelemise en is keenen, iyan, sikan is ibpemetelavuk ku, kenè bes dait kayi te keemuran ku.

Lucas 14:23

Ne midtavak haazà is egalen din te, ‘Hendiyè ka te menge unayan wey vuntud ne ikula nu is menge zalan dutun ne teg̵ela nu is menge etew zutun he medtelavuk dan kayi te keemuran ku su wey mepurung meenget te menge etew heini is baley ku.

Lucas 14:25

Ne sengeandew zutun te edhipanew si Jesus ne utew mezakel is menge etew he ebpemenduma kandin. Ne midsineruwan din sikandan te egkag̵i te,

Juan 3:19

Umba edsilutan sikandin su hein nekeuma a is migeraran te kerayag dini te kelibutan, midtumù din is kerusireman, he ke và dà egkeg̵iya, is kedsupaka te Megbevayà, kenà is kerayag su mezaat is ed-ul-ulahan din.

Juan 3:36

Is minsan hentei he edtuu te Anak te Megbevayà, ebeg̵ayan sikandin te untung he wazà pidtemanan; is minsan hentei he kenà ebpemineg te menge sug̵ù te Anak te Megbevayà, kenà egkeveg̵ayan te untung he wazà pidtemanan, kekenà, wazà pidtemanan te kegkepeuki kandin te Megbevayà.

Juan 8:21

Ne mid-uman megkag̵i si Jesus diyà te menge egalen te menge Hudiyu, ke sikandin te, “Ed-ewaan ku sikiyu ne ebpen-ahaan a keniyu, iyan, ebpematey kew zà duen he kenà egkepeseylu is menge salè niw. Ne ke hendei a ebpekepevayà kenè kew ebpeketelukun.”

Juan 8:24

Umba migkag̵i ku keniyu he ebpematey kew he kenà egkepeseylu is menge salè niw su tutuu iyan haazà emun kenè kew edtuu he iyan a sikan is mibpilì te Megbevayà he ibpahadì.”

Nengeulaula 13:46

Ne minsan pa zutun wazà mahandek si Pablo wey si Bernabe su ke sikandan dutun te menge Hudiyu te, “Kinahanglan he edhunaan dey sikiyu is menge Hudiyu edtudtuli te ibpesavut te Megbevayà, iyan, geina te kenè niw edewaten, ibpeehè niw he kenè kew zait he ebeg̵ayan te untung he wazà pidtemanan. Ne tenged dutun kenè dey en maan ibpesavut is Meupiya he Tudtulanen diyan te keniyu, kekenà, edhendiyè key te kenà menge Hudiyu.