Lucas 14:1 - Manobo Western Bukidnon

¹ Ne sevaha maan he Andew te Kedhimeley, ne mid-umbite en maan si Jesus te sevaha he pengulu te menge Perisiyu he ziyà ibpekaan te valey zin. Ne is menge kuntada ni Jesus, mibpurungan dan sikandin bentayi ke egkesupak din is kesug̵uan.

Lucas 14:1 Cross References

Mateo 12:12

Ne is etew, lavew pa he mahal kenà te kerehidu. Ne tenged dutun kenè ki ebpekesupak te kesug̵uan ke edtevangan ta is etew minsan ke Andew te Kedhimeley.”

Marcos 3:2

Ne zuen menge kuntada ni Jesus dutun ne mibentayan dan si Jesus su ed-ahaan dan ke ebewian din haazà is etew zutun te andew su Andew te Kedhimeley haazà. Su emun ebewian ni Jesus haazà is etew ne idsumbung dan he midsupak din is Andew te Kedhimeley.

Lucas 11:37

Ne hein nekeipus dutun si Jesus is ebpenurù ne zuen sevaha zutun he Perisiyu he mid-umbita kandin te kegkaan diyà te valey zin. Ne midhendiyà si Jesus ne migkaan.

Lucas 14:2

Ne zuen dutun maama he egkezeruwan su midlevag is menge paa zin wey velad din ne mid-uvey heini ziyà te ki Jesus.

Lucas 17:20

Sengeandew zutun ne zuen menge Perisiyu he mid-insà ki Jesus te, “Keenu egketuman is egkeg̵iyen nu he kedhedii te Megbevayà te menusiyà?” Ne midtavak si Jesus te, “Kenà egkeahà te etew is kegketuman din

Lucas 20:20

Umba, puun dutun ne ebpengahaan dan ke ebmenmenuwen dan te kedekepa sikandin. Duen menge sinuhulan dan he ibpepeniid dan ki Jesus. Ne zuen daan menge insà kayi te etew ki Jesus he uvag kun menge hustu he insà. Ne iyan tuyù dan is: emun ebpekesupak si Jesus te kesug̵uan dan pinaag̵i te menge tavak din ne egkehimu he ibpalad sikandin diyà te gubirnedur he Rumanu wey mehukumi sikandin.

Lucas 6:7

Ne zuen dutun menge etew he Perisiyu wey menge menunudlù te kesug̵uan. Ne mibentayan dan si Jesus su ed-ehaan dan ke ebewian din be haazà is etew zutun te andew su Andew te Kedhimeley. Iyan ibpurungi zan ibentayi ki Jesus su wey zan mekeahà te paag̵i te kedsumbunga zan kandin he midsupak din is Andew te Kedhimeley.

Juan 3:1

Duen etew he egngezanan ki Nikudimu. Sevaha sikandin he sakup te upakat he egngezanan te Peresiyu. Heini si Nikudimu, ne sevaha he punuan te menge Hudiyu.

Nengeulaula 5:34

Iyan, duen duma zan he egngezanan ki Gemelil. Perisiyu sikandin he menunudlù te kesug̵uan wey telehuzen te langun he menge etew. Ne midhitindeg heini ne insug̵ù din he ed-uwiten dè pa ziyà te g̵awas haazà is menge epustul. Ne hein diyè dan en te g̵awas,