Lucas 13:19 - Manobo Western Bukidnon

¹⁹ Is kebmezakel zan te edhedian te Megbevayà, ne iring te pinemula he utew zeisey is lisu zin. Ibpemula heini te etew ziyà te kamet din ne ke edtuvù ne edekelà ne egkehimu he iring kezekelà te kayu ne egkeletunan te menge tagbis ne egkeseselag̵an dan is menge subpang din.”

Lucas 13:19 Cross References

Mateo 17:20

Ne midtavak si Jesus te, “Wazè niw meulii tenged te utew zeisek is kedtuu niw. Tentenuzi niw he ke zuen niw kedtuu, minsan utew zà deisek iring te lisu te mustasa, egkehimu he egkekeg̵iyan niw heini is buvungan he medhalin, ne ebpemineg keniyu. Minsan hengkey, ne egkehimu niw.

Marcos 4:30

Ne mid-uman megkag̵i si Jesus te, “Hengkey is meupiya he ebpetug-iringan tew te kedhadì te Megbevayà? Hengkey is meupiya he egemiten tew he sempità?

Lucas 17:6

Ne midtavak si Jesus te, “Emun duen kedtuu nu he minsan iring dà kezekelà te sengevuuk he lisu te mustasa he utew zeisek ne egkekeg̵iyan nu heini is dekelà he kayu te, ‘Awè ka keniyan ne halin ka ziyà te zag̵at.’ Ne iyan dà haazà, ne ebpezumazuma kenikew.”

Nengeulaula 2:41

Ne zutun, mezakel is nemeketuu te impesavut kandan ni Pedro ne mibpebewtismu sikandan. Ne zutun he andew neumanan kes menge tumutuu te tetelu he libu.

Nengeulaula 21:20

Ne hein nezineg dan haazà is tudtul ni Pablo, nemekezalig dan te Megbevayà. Ne migkeg̵iyan dan si Pablo te, “Netuenan nu, Suled, he utew zaan mezakel is menge zuma tew he Hudiyu he nemeketuu en ki Jesus, ne mibpurungan dan tumana is imbilinbilin kenitew he kesug̵uan.

Nengeulaula 4:4

Ne minsan pa zutun, neketuu is mezakel he nekepemineg engki Pedro. Ne tenged dutun is kezakel te menge maama zutun te nemeketuu ki Jesus ne migawhat te lelima he libu.

Ruma 15:19

pinaag̵i te menge singyal wey egkein-inuwan wey pinaag̵i zaan te g̵ehem te Wag̵as he Mulin-ulin. Midhipanew a puun diyà te inged he Hiruselim pehendiyà te inged he Iliriku ne mibpurungan ku te ebpesavut is Meupiya he Tudtulanen te keag̵i ni Kristu.

Impezayag 11:15

Ne zutun midhiyup te ikepitu he velinsug̵uen is budyung din ne ziyà te langit nezineg is memezag̵ing he lag̵eng he edhenduen te, “Is kedhedii te tivuuk he menusiyà, ne ziyè en guntaan te Nengazen tew wey ziyà te hadì he mibpilì din. Ne heini he hadì, ebpekehadì sikandin te wazà pidtemanan.”