Lucas 12:59 - Manobo Western Bukidnon

⁵⁹ Ne zutun kew ebpekeubpà taman te kenè niw pa egkeg̵empusan is multa keniyu.”

Lucas 12:59 Cross References

Mateo 18:34

Ne utew nererengiti haazà is hadì ne impepirisu zin haazà is etew su edsilutan taman te kenè pa sikandin ebpekevayad dutun te langun he neutang din.

Mateo 25:41

Ne zutun ekeg̵iyan ku is menge etew he ziyà te zapit te egkeg̵ivang ku te, ‘Sikiyu is midrewakan te Amey ku he Megbevayà, awè kew kayi! Su zutun kew te regreg he wazè din pidtemanan he integ̵ana he zaan ki Setanas he iyan idsilut kandin duma te menge velinsug̵uen din!

Mateo 25:46

Ne heini he menge etew,” ke si Jesus, “id-awà kayi su edsilutan sikandan te silut he wazè din pidtemanan; iyan, is menge metazeng mulà, ebeg̵ayan sikandan te untung he wazè din pidtemanan.”

Mateo 5:26

Ne kenà duwazuwa he zutun ka ebpekeubpà taman te egkeg̵empusan nu is multa kenikew.

Marcos 12:42

Ne nekeuma zutun is balu he vahi he utew egkeayuayu. Ne inhalad din is dezuwa he selapì he tumbag̵a he utew zeisey is bali zin.

Lucas 16:26

Ne ikezuwa zin daan ne kawangkawang heini is pid-eletan tew. Ne wazà ebpekelayun dini he ebpuun diyan; ne iring din ded daan dini te kenami su wazà ebpekelayun pehendiyan he ebpuun dini.’

2 Tiselunika 1:3

Menge suled, kinahanglan he layun dekelà is kebpeselemati zey te Megbevayà tenged keniyu. Ne hustu heini su layun dekelà is ked-uswag te kedtuu niw wey layun daan ed-iseg is kebmahala niw te uman sevaha he menge zuma niw ziyà te g̵ehinawa niw.