Lucas 12:26 - Manobo Western Bukidnon

²⁶ Ne emun pinaag̵i te kegkeseeng niw wazè niw egkehimu te minsan kayi te utew zeisey he ebeelan, hengkey is pulus te kedseengseeng niw pa maan te zuma he ebeelan?

Lucas 12:26 Cross References

Mateo 6:25

Ne tenged kayi, egkeg̵iyen ku keniyu te menge sumusundan ku he kenè kew meseeng te egkeenen wey ed-inumen he igkeuyag niw. Kenè kew zaan meseeng te ugelingen he idsun-ud te lawa niw. Su mibeg̵ayan kew te Megbevayà te g̵ehinawa niw wey lawa niw he mahal utew; ne wey pe be kenà mehimu he ebeg̵ayan kew zin daan te egkeenen wey ugelingen?

Lucas 12:25

Ne minsan sengemenu is kegkenug̵uni te etew te untung din, wazà minsan hengkey he paag̵i he egkesumpatan din te minsan deisey zà.

Lucas 12:27

Ahaa niw is menge kevukazan ke hengkey is kedtuvù dan. Kenè dan edterebahu ne kenè dan daan ebpengavel. Ne minsan pa zutun, egkeg̵iyen ku keniyu he minsan si Hadì Sulumun dengan he utew sepian wey nevantug, ne wazà mekesusuluwan is kezagwey te menge bisti zin te kezagwey kayi te menge kevukazan.

Lucas 12:29

Kenè kew meseeng! Kenè niw iyan isipa ke hengkey is egkekaan niw wey egkeinum.

1 Pedro 5:7

Isarig niw ziyà te kandin is minsan hengkey he seeng niw su iyan sikandin ed-elima keniyu.