Lucas 12:19 - Manobo Western Bukidnon

¹⁹ Ne zutun, geina te utew meupiya is kebpekesavuk ku he etew, kenà ad maan edterebahu su naazen ku en is minsan hengkey he egkinehenglanen ku taman te pira pa he tuig. Ne tenged kayi ebperenggey e zà is ebpurung egkaan, ed-inum, wey edlipeylipey,’ ke sikandin.

Lucas 12:19 Cross References

Lucas 12:18

Ne ke sikandin te, ‘Edrundusen ku heini is menge budiga ku ne ed-uman a ebevaley te utew zekelà su wey ku zuen meteg̵ui te langun he egkerag̵un ku wey zuma pa he menge azen ku.

Lucas 16:19

Ne mid-uman megkag̵i si Jesus te, “Duen sevaha he etew he sepian utew. Ne haazà is sepian, utew menge mahal he manggad is idsun-ud din. Ne kada andew ne iyan dà ibpekaan kandin is utew mahal wey metaam he egkeenen.

Lucas 21:34

Ne ke si Jesus te, “Uram kew wey kew kenà kayi zà egketaman te kegkebibu wey kebpemenginum wey te kedlag̵ud niw te menge kelibutanen he menge kinahanglan niw. Su emun kenè kew ed-uram ne egketik-awan kew egkesaut te andew te kedlimasa te Megbevayà te menusiyà. Ne egkeiring kew te egketelebpì he rumat.

1 Kurintu 15:32

Utew mezakel is kemeresayen ku zini te Ipisu su iring is menge kuntada ku te menge ebpekekaid he langgam he egkesuatan e zan te edaas. Ne maan is ed-entusen ku pa is iring kayi ke kenà a keuzemà egkevanhew. Su emun iyan haazà ne meupiya pa ke edtumanen ku haazà is erubasa he edhenduen te, “Edlipey kiw en; ed-inum kiw ne egkaan kiw su kela ke meg̵aan kiw en ebpatey ne egkehanew heini is langun.”

Pilipus 3:19

Siguradu egkeimpirnu sikandan su iyan ebayàbayà kandan is menge mezaat he kebayà te lawa zan. Ibmeupiya te g̵ehinawa zan is menge mezaat he ulaula, iyan, meupiya pezem ke igkeeled dan; ne iyan dan dà egkeisip is menge vutang he zini te kelibutan.

1 Timoteo 5:6

Iyan, haazà is balu he vahi he iyan dà mulà egkesuatan din is menge kelibutanen he kelipey, minsan ke uuyag pa, iring sikandin te minatey en.

1 Timoteo 6:17

Is menge tumutuu he mezakel is menge azen dan, keg̵iyi nu he kenè dan mebpelavew wey kenè dan medsarig te menge azen dan su kenè ta egketuenan ke keenu ki egkeewai te menge azen ta. Keg̵iyi nu he iyan dan serig̵i is Megbevayà su iyan sikandin metulanged. Is minsan hengkey he naazen ta, imbeg̵ey zin kenita wey mebmeupiya is kebpekesavuk ta.

2 Timoteo 3:4

Menge men-aakal sikandan; kenè dan ed-isipen ke hengkey is egkeulaula tenged te kelelalung dan. Menge gelbuwen sikandan. Iyan dan ibpelavi is kelibutanen he kelipey kenà is kebmahala zan te Megbevayà.

Santiago 5:5

Dini te kelibutan utew meupiya is kebpekesavuk niw ne edlipey kew layun, iyan, iring kew g̵untaan te nati he ibpelambù he edlepaan su kunaan niw ke kenè kew egkesaut te andew te kedsilut.

1 Pedro 4:3

Su kinahanglan he kenè niw en maan ul-ulaha sikan is mezaat he ed-ul-ulahan he egkesuatan te menge etew he wazà medtuu te Megbevayà. Su zengan meremerik is ulaula niw; mezaat is egkesuatan te lawa niw; lelenguten kew ne mezaat is kelenganan he ibpelepew niw ziyà te menge keemuran he zutun kew ebpenginum. Utew kew egkeepesi te Megbevayà su kenà tutuu he megbevayà is ed-ezapen niw.

Impezayag 18:7

Utew subra is kebpurungi zin te kebpekesavuk din ne g̵untaan iyan bales kandin is kegkeseeng wey is merasey he kebpekesavuk. Su kenà sikandin ed-engked he ebpegalbu, ke sikandin diyà te isip din te, ‘Bai a ne kenà a valu. Kenà egkehimu he egkeumahan a te kemereg̵enan.’