Lucas 12:11 - Manobo Western Bukidnon

¹¹ Ne emun tenged te kedtuu niw kedì ed-uwiten kew te menge etew ziyà te menge simbahan dan su edhukuman kew zan ne emun ed-imbistigahan kew zaan diyà te etuvangan te menge hadì wey huwis, kenè kew meseeng ke hengkey is idtavak niw kandan wey ke hengkey is paag̵i niw zutun.

Lucas 12:11 Cross References

Mateo 23:34

Su egkeg̵iyen ku keniyu he ibpehendiyan ku pa te keniyu is ebpemeneuven te Megbevayà, wey menge etew he mibeg̵ayan te Megbevayà te ketau, wey menge menunudlù. Ne edhimetayan niw is duma kandan. Ne is duma, idransang niw ziyà te krus ne ebpemug̵elen niw is duma ziyà te seled te menge simbahan niw ne ed-elawen niw sikandan diyà te minsan hendei he inged he egkepeveyaan dan te ebpemelag̵uy.

Mateo 6:25

Ne tenged kayi, egkeg̵iyen ku keniyu te menge sumusundan ku he kenè kew meseeng te egkeenen wey ed-inumen he igkeuyag niw. Kenè kew zaan meseeng te ugelingen he idsun-ud te lawa niw. Su mibeg̵ayan kew te Megbevayà te g̵ehinawa niw wey lawa niw he mahal utew; ne wey pe be kenà mehimu he ebeg̵ayan kew zin daan te egkeenen wey ugelingen?

Mateo 6:27

Ne minsan sengemenu is kegkenug̵uni te etew te untung din, wazà minsan hengkey he paag̵i he egkesumpatan din te minsan deisey zà.

Mateo 6:28

Ne maan is egkeseeng kew te ugelingen? Ahaa niw is menge kevukazan te sagbet. Kenè dan edterebahu; kenè dan daan ebpengavel.

Mateo 6:31

Ne tenged kayi, kenè kew meseeng wey megkag̵i te, ‘Hengkey is egkekaan tew, ne hengkey is ed-inumen tew, ne hengkey zaan is igkevisti tew?’

Mateo 6:34

Kenè kew meseeng ke hengkey is menge mereg̵en he egkeulaula niw te huziyan he andew su wey niw en heeyan isipa zutun te andew he egkehitavù en. Iyan dà isipa niw is guntaan en he egkehitavù keniyu.”

Lucas 12:22

Ne migkag̵i si Jesus diyà te menge sumusundan din te, “Ne tenged kayi egkeg̵iyen ku keniyu te menge sumusundan ku he kenè kew meseeng te egkeenen he igkeuyag niw. Ne kenè kew zaan meseeng te ugelingen he idsun-ud te lawa niw.