Lucas 11:9 - Manobo Western Bukidnon

⁹ Ne venar is egkeg̵iyen ku keniyu he penigudu kew vuyù diyà te Megbevayà ne ebeg̵ayan kew zin; penigudu kew pen-ahà ne ibpeturedu zin keniyu is ebpen-ahaan niw; penigudu kew penelehuzan ne ebpuwasan kew zin.

Lucas 11:9 Cross References

Mateo 21:22

Emun edsarig kew te Megbevayà, ke ed-ampù kew, egkezawat niw is ebuyuen niw.”

Mateo 21:31

Ne ke si Jesus te, “Hentei zutun te zezuwa he telesuled is hustu he neketuman te sug̵ù te Amey zan?” Ne ke sikandan diyà te ki Jesus te, “Iyan haazà is kakey.” Ne ke si Jesus dutun te, “Benar iyan he edhuna keniyu is menge mezaat he etew iring te menge menunukut te vuhis wey is menge vahi he ibpenapì dan is dengeg dan su edewaten sikandan te Megbevayà wey zin mehedii kenà sikiyu.

Mateo 6:29

Ne venar is egkeg̵iyen ku keniyu he minsan pa si Hadì Sulumun dengan is sepian utew wey nevantug, ne wazà mekesusuluwan is kezagwey te menge bisti zin te kezagwey kayi te menge kevukazan.

Marcos 11:24

Umba, egkeg̵iyan ku sikiyu he minsan hengkey is ebuyuen niw ziyà te Megbevayà, heg̵eta niw ziyà te g̵ehinawa niw he kenè en ebperis, ne egkezawat niw haazà is ebuyuen niw.

Marcos 13:37

Heini is egkeg̵iyen ku keniyu, egkeg̵iyen ku zaan diyà te langun he etew he mebpekevantey is kada sevaha.”

Lucas 11:10

Su is langun he ebuyù diyà te Megbevayà, ebpekezawat; ne sikan is ebpen-ahà, ebpeketuredu; ne sikan is ebpenelehuzan, ebpuwasan daan te Megbevayà.

Juan 14:13

Ke zuen ebuyuen niw kediey tenged te kedtuu niw kediey, ebeelan ku su wey mevantug is Amey ku tenged kediey.

Juan 15:16

Kenè kew iyan nekepilì kediey, kekenà, iyan a nekepilì keniyu. Intezù ku sikiyu wey kew mekepemeg̵as te menge meupiya he ulaula ne wey kenà daan mahanew is beg̵as niw. Ne is minsan hengkey he ebuyuen niw ziyà te Amey ku he Megbevayà tenged te kedtuu niw kediey, ibeg̵ey zin keniyu.

Juan 15:7

Ne sikiyu, emun kenè kew edsuwey kedì ne edhemenan niw is menge penurù ku, is minsan hengkey he ebuyuen niw kediey, ibeg̵ey ku keniyu.

Juan 4:10

Ne zutun midtavak si Jesus te, “Bayi, angin ke netuenan nu is ibeg̵ey kenikew te Megbevayà wey ke hentei a is ebuyù te wahig su ebpekevuyù ka pezem dini te kediey te wahig ne egkeveg̵ayan ka te wahig he ebpekeveg̵ey te untung he wazà pidtemanan.”

Ruma 2:7

Iyan, duen menge etew he edhemenan dan is meupiya he ulaula su iyan ed-isipen dan layun is kedelig̵a wey is kedtulusa kandan keuzemà te Megbevayà wey is kegketehuza zin kandan keuzemà. Ne untung he wazè din pidtemanan is ibeg̵ey zin kandan.

2 Kurintu 6:2

Su zuen insurat he Lalag te Megbevayà he edhenduen te, “Dutun te timpu he egkesuatan ku, mibpemineg a te ked-ampù nu; ne zutun te hustu he timpu te kedlibriya ku te menusiyà, midtevangan ku sikew.” Ne iyan lalag ku keniyu is: iyan en heini timpu he egkesuatan te Megbevayà te kedtavang keniyu; iyan en heini timpu te kedlibriya zin keniyu te silut.

Hibriyuhanen 11:6

Is etew he wazè din kedtuu te Megbevayà, kenà egkehimu he egkesuatan te Megbevayà is menge ulaula zin. Su is etew he ebpetavang te Megbevayà, kinahanglan he edtuuwen din he zuen Megbevayà, ne kinahanglan daan he edtuuwen din he edtuvazan te Megbevayà te meupiya is minsan hentei he edhag̵ù he ebpen-ahà te paag̵i wey sikandin mekepekid-emig̵u te Megbevayà.

Hibriyuhanen 4:16

Ne tenged kandin, wazà igkelenew te isip tew te ked-uvey zutun te etuvangan te mekeg̵eg̵ehem he Megbevayà pinaag̵i te ked-ampù su utew velig̵eg̵awen is Megbevayà. Ingkehizu kiw zin ne edtevangan kiw zin dutun te timpu te menge kemereg̵enan.

Santiago 1:5

Ne ke zuen minsan hentei keniyu he egkereg̵enan su kenè din egketuenan ke hengkey is meupiya he paag̵i, mebuyù te ketau ziyà te Megbevayà, ne ebeg̵ayan sikandin su metulanged sikandin ne kenè ki zin edewayen ke ebuyù ki.

Santiago 5:15

Is ked-ampù dan, emun hustu is kedsarig dan te Megbevayà, ne iyan igkeulii te egkezeruwan su ebewian sikandin te Nengazen, ne egkepesaylu sikandin te menge salè din.

1 Juan 3:22

Ibeg̵ey zin kenita is ebuyuen ta su edtumanen ta is menge sug̵ù din wey ed-ul-ulahan ta is egkesuatan din.

Impezayag 2:24

Ne sikiyu is duma ziyan te Tiyetira he wazà mekezawat te penurù dutun te vahi, he ke và dà egkeg̵iya, wazè niw zewata is egngezanan te menge mezalem he penurù ni Setanas, wazè en duma pa he ebpeveelan ku keniyu.