Lucas 11:7 - Manobo Western Bukidnon

⁷ Ne zutun, edtavak sikandin dutun te valey zin te, ‘Es! egkepeg̵ulan ad he ed-enew su midlekevan ku en heeyan is gemawan ne nemekelipezeng en heini is menge anak ku kayi te hulid ku. Ne kenè e en ebpekeenew he ebeg̵ey ziyan te kenikew te egkekaan.’

Lucas 11:7 Cross References

Mateo 25:10

Ne zutun migenat haazà is menge tulebung su ebpemasa zan te gas, ne hein nehaus dan en nekeuma sikan is ebpengesawa. Ne haazà is lelima he menge rag̵a he memetau, miduma zan kandin te edseled dutun te valey he zutun is eseweey. Ne hein nekeseled dan en dutun ne midlekevan haazà is baley.

Lucas 11:6

Su zuen meg̵eliyug ku he ziyà ebpuun te meziyù ne wazè ku igkepeg̵ana kandin.’

Lucas 11:8

Ne haazà,” ke si Jesus, “minsan ke kenà sikandin egkesuat he ed-enew he edtavang te emig̵u zin, iyan, ke kenà ed-engked haazà is edhangyù, ebpeketeg̵el sikandin ebpekeenew ne ibeg̵ey zin kandin is langun he kinahanglan din.

Lucas 13:25

Su edlekevan te teg̵ivaley haazà is gemawan. Ne emun diyè kew pa te g̵awas ebpenelehuzan kew is egkag̵i te, ‘Puwasi key kenikew!’ Ne iyan dà idtavak dutun te teg̵ig̵aked is, ‘Kenè ku egketuenan ke hentei kew wey ke hendei kew ebpuun.’

Lucas 7:6

Ne zutun miduma si Jesus kandan ne hein ebpelingguma zan en dutun te valey te egalen te menge sundaru ne impesinug̵ung din ensi Jesus te menge zuma zin wey zan mekag̵i ziyà te ki Jesus is lalag din he edhenduen te, “Datù, kenè nu en semuka is gehinawa nu te kedhendini te valey ku su kenà a zait he ebigatbigat kenikew he medhendini ke pa maan.

Gelasya 6:17

Puun dà guntaan, kinahanglan he wazà minsan hentei he megkag̵i he wazà iveg̵ey kediey ni Jesus is keg̵ehem te kebpenurù. Egketuusan kayi te lawa ku is kedtumana ku te menge sug̵ù ni Jesus. Mezakel is menge tulak te menge palì ku he nehimu te menge kuntada ni Jesus.