Lucas 11:48 - Manobo Western Bukidnon

⁴⁸ Is menge kepuun niw, ne iyan mibunù, ne midhimasad niw haazà is mezaat he mid-ulaula zan su iyan kew midayandayan te midlevengan; mid-ulaula niw heini he tuus te egkesuatan niw is mezaat he vaal te menge kepuun niw.

Lucas 11:48 Cross References

Mateo 23:27

Kehizu niw, te menge menunudlù te kesug̵uan wey sikiyu is menge Perisiyu, su tarù is kedtuu niw te Megbevayà! Iring kew te valey he vatu he iyan lungun he mibpintalan te meputì he zutun idsavuk is lawa te nemematey. Meupiya he ed-ahaan diyà te g̵awas, iyan, dutun te seled din ne menge tulan te minatey he nengeredak en.

Mateo 23:31

Ne venar ves iyan he iyan kew sikan is menge kevuwazan te menge etew zengan he nekevunù te ebpemeneuven te Megbevayà su iring kew kandan.

Lucas 11:47

Mekehizuhizu kew utew keuzemà su mideyzeyanan niw is mibpenlevengan duen te ebpemeneuven dengan te Megbevayà, iyan, menge kevuwazan kew te nememunù kandan.

Lucas 11:49

Is Megbevayà he utew metau, migkag̵i sikandin dengan te, ‘Ibpehendiyan ku pa te kandan is ebpemeneuven wey is menge epustul. Ne edhimetayan dan is duma ne is duma ebpesipelahan dan.’ Umba migkag̵i heini te Megbevayà su netuenan din he sikiyu is menge Hudiyu, nesevaha is gehinawa niw te g̵ehinawa te menge kepuun niw.

Ruma 1:32

Netuenan dan pezem he ke ed-ul-ulahan dan is menge iring kayi, edsilutan sikandan te kemetayen he wazè din pidtemanan, iyan ebpeniguduwan dan gihapun, ne kenà duen dà taman, su utew zan egkesuat emun egkeehè dan is ulaula te zuma he iring ded te kandan.

Santiago 5:10

Menge suled, ed-iringan ta is kebmeinentusen te menge ebpeneuven dengan te Megbevayà su zutun te kebpesevuta zan te Lalag te Nengazen nekeantus dan te kemeresayan.