Lucas 11:47 - Manobo Western Bukidnon

⁴⁷ Mekehizuhizu kew utew keuzemà su mideyzeyanan niw is mibpenlevengan duen te ebpemeneuven dengan te Megbevayà, iyan, menge kevuwazan kew te nememunù kandan.

Lucas 11:47 Cross References

Mateo 23:27

Kehizu niw, te menge menunudlù te kesug̵uan wey sikiyu is menge Perisiyu, su tarù is kedtuu niw te Megbevayà! Iring kew te valey he vatu he iyan lungun he mibpintalan te meputì he zutun idsavuk is lawa te nemematey. Meupiya he ed-ahaan diyà te g̵awas, iyan, dutun te seled din ne menge tulan te minatey he nengeredak en.

Lucas 11:48

Is menge kepuun niw, ne iyan mibunù, ne midhimasad niw haazà is mezaat he mid-ulaula zan su iyan kew midayandayan te midlevengan; mid-ulaula niw heini he tuus te egkesuatan niw is mezaat he vaal te menge kepuun niw.

Nengeulaula 7:51

Ne ke si Esteban te, “Sikiyu is menge zuma ku he Hudiyu, utew memehunit is gehinawa niw. Kenè kew egkesuat he ebpemineg; ne kenè kew zaan edtuman te Lalag te Megbevayà. Kenè kew ed-engked he edsupak te Wag̵as he Mulin-ulin. Kes mid-ulaula te menge kepuun tew, iyan daan ed-ul-ulahan niw.

1 Tiselunika 2:15

Is menge Hudiyu, iyan kes midhimatey te ebpemeneuven te Megbevayà dengan wey te Nengazen tew zaan he si Jesus. Ne mid-avug key zan daan. Utew supak is menge ulaula zan te egkesuatan te Megbevayà,